തിരുവനന്തപുരം : ‘പി വി’ എന്നത് പിണറായി വിജയനല്ലെന്നാണ് മുഖ്യമന്ത്രി പറയുന്നത്. ‘എന്റെ ഗർഭം ഇങ്ങനെയല്ലെന്നു’ ജഗതി സിനിമയിൽ പറയുന്നതുപോലെയാണെന്ന പരിഹാസവുമായി ആർ എസ് പി സംസ്ഥാന സെക്രട്ടറി ഷിബു ബേബി ജോൺ. ഇടതുപക്ഷ പ്രസ്ഥാനത്തിന്റെ അന്തകരായി പിണറായി വിജയനും സി പി എമ്മും മാറിയിരിക്കുകയാണെന്നും അദ്ദേഹം കുറ്റപ്പെടുത്തി.
സി പി ഐ അംഗീകരിച്ച രാഷ്ട്രീയ നേതാവും സിറ്റിംഗ് എം പിയും ആണ് രാഹുൽ. രാഹുൽ വയനാട്ടിൽ മത്സരിക്കുമ്പോൾ രാഹുലിനെതിരെ മത്സരിക്കേണ്ടെന്ന് അവരാണ് പറയേണ്ടത്. സി പി ഐ ദേശീയ നിർവ്വാഹക സമിതി യോഗത്തിൽ രാഹുൽ ഗാന്ധി വയനാട്ടിൽ മത്സരിക്കുന്നതിനെതിരെ എതിർപ്പ് ഉന്നയിച്ചിരുന്നു. ഇതിനോടാണ് ഷിബു ബേബി ജോണിന്റെ പ്രതികരണം. കേരളത്തിലെ രാഷ്ട്രീയ സാഹചര്യം വെച്ച് ഇടതുപക്ഷം രാഹുലിനെതിരെ മത്സരിക്കുന്നതിൽ പ്രശ്നം ഇല്ലെന്നും അദ്ദേഹം പറഞ്ഞു.
പുതിയ മുന്നണിയായ ‘ഇൻഡി’ സഖ്യത്തിന് സി പി എം കല്ലുകടി സൃഷ്ടിക്കുകയാണെന്നും അദ്ദേഹം ആരോപിച്ചു. കോ ഓർഡിനേഷൻ കമ്മറ്റിയിൽ സി പി എം ഉണ്ടാകും എന്നറിയിച്ചിട്ടിപ്പോൾ പ്രതിനിധിയില്ല. കേരളത്തിലുള്ള നേതാക്കളുടെ സ്വാധീനം മൂലമാണിതെന്നും അദ്ദേഹം കുറ്റപ്പെടുത്തി. കേരളത്തിൽ ജനതാദൾ സെക്കുലർ സി പി എം ഘടക കക്ഷിയാണ്. സി പി എം കർണാടകയിൽ പിന്തുണയ്ക്കുന്നത് ജെഡിഎസി നെ ആണെന്നും ഷിബു ബേബി ജോൺ പറഞ്ഞു. കേരളത്തിൽ സി പി എമ്മിന് കോൺഗ്രസിനോട് മാത്രമേ വിയോജിപ്പുള്ളൂ എന്നും, ദേശീയ താല്പര്യങ്ങൾ ഒന്നും ഇല്ലെന്നും അദ്ദേഹം പറഞ്ഞു.
Discussion about this post