മുസഫര്പൂരില്: വനിതാ സംവരണ ബില്ലില് സ്ത്രീ വിരുദ്ധ പരാമര്ശവുമായി ആര്ജെഡി നേതാവ് അബ്ദുള് ബാരി സിദ്ദിഖി. ചില രൂപഭാവങ്ങളുള്ള സ്ത്രീകള് വനിതാ സംവരണ ബില്ലിനെ ചൂഷണം ചെയ്യുമെന്ന ആര്ജെഡി നേതാവിന്റെ പ്രസ്താവന പുതിയ വിവാദങ്ങള്ക്ക് തിരികൊളുത്തി. മുസാഫര്പൂരില് ഒരു പരിപാടിക്കിടെയായിരുന്നു അബ്ദുള് ബാരിയുടെ പ്രസ്താവന.
“വനിതാ ബില് അംഗീകരിക്കപ്പെട്ടാല് ലിപ്സ്റ്റിക്കുകള് ഇട്ടവരും ബോബ് കട്ട് ഹെയര്സ്റ്റൈലുകളുമുള്ളവര് വനിതാ സംവരണത്തിന്റെ പേരില് മുന്നോട്ടുവരും. അവര്ക്കല്ല പിന്നാക്ക സമുദായങ്ങളിലെ സ്ത്രീകള്ക്കാണ് സര്ക്കാര് സംവരണം നല്കേണ്ടത്”, അബ്ദുള് ബാരി സിദ്ദിഖി പറഞ്ഞു.
കൂടാതെ വരുന്ന ലോക്സഭാ തിരഞ്ഞെടുപ്പ് കഴിയും വരെ ടെലിവിഷനില് നിന്നും സോഷ്യല് മീഡിയയില് നിന്നും വിട്ടു നില്ക്കാന് ആര്ജെഡി നേതാവ് തന്റെ അനുയായികളോട് ആവശ്യപ്പെട്ടു. തലച്ചോര് ഉപയോഗിക്കാതെ ഇരുന്ന് ടിവി കാണുന്നതും സോഷ്യല് മീഡിയയില് സമയം ചെലവഴിക്കുന്നതും അവസാനിപ്പിച്ച് വോട്ട് വിഹിതം കൂട്ടുന്നതിനായി പ്രവര്ത്തിക്കണമെന്നും അബ്ദുള് ബാരി നിര്ദ്ദേശിച്ചു.
അതേസമയം, രാഷ്ട്രീയ ജനതാദളിന്റെ നേതാവായ അബ്ദുള് ബാരി സിദ്ദിഖില് നിന്ന് വന്ന് സ്ത്രീ വിരുദ്ധ പ്രസ്താവന ദേശീയ തലത്തില് വന് വിവാദമായി. അബ്ദുള് ബാരി വിവദ പരാമര്ശം പിന്വലിച്ച് മാപ്പ് പറണമെന്നാവശ്യം ശക്തമായി ഉയരുകയാണ്. എന്നാല് ആരെയും വേദനിപ്പിക്കാന് വേണ്ടിയല്ല താന് ഗ്രാമീണ ജനതയക്ക് കാര്യങ്ങള് എളുപ്പത്തില് മനസ്സിലാക്കാനാണ് അങ്ങനെ പറഞ്ഞതെന്ന് ന്യായീകരണമാണ് നേതാവിന്റെ ഭാഗത്ത് നിന്ന് ഉണ്ടായത്.
