ന്യൂഡൽഹി: പിസ പ്രേമികൾക്ക് അത്യുഗ്രൻ ഓഫറുമായി ഫാസ്റ്റ് ഫുഡ് ഭീമനായ ഡോമിനോസ്. പിസകളുടെ വില 50 ശതമാനം കുറച്ചു. ലോകകപ്പ് ലക്ഷ്യമിട്ടാണ് മനംമയക്കും ഓഫറുമായി ഡോമിനോസ് രംഗത്ത് എത്തിയത്.
ഓഫർ പ്രകാരം ഡോമിനോസിൽ നിന്നും 499 രൂപയ്ക്ക് വെജിറ്റേറിയൻ പിസ വാങ്ങാം. 549 രൂപയാണ് നോൺ വെജിറ്റേറിയൻ പിസകൾക്ക്. ക്വിക്ക് സർവ്വീസ് റസ്റ്റോറന്റ് വിൽപ്പന വർദ്ധിപ്പിക്കാനും സ്‌പോർട്‌സ് സീസണിൽ ലാഭം കൊയ്യാനും ഓഫർ പ്രഖ്യാപിക്കുന്നതിലൂടെ കഴിയുമെന്നാണ് ഡോമിനോസ് പ്രതീക്ഷിക്കുന്നത്. ഓഫർ പ്രഖ്യാപിച്ചതിന് പുറമേ പുതിയ ഔട്ട്‌ലെറ്റുകൾ ആരംഭിക്കാനും തീരുമാനം ആയിട്ടുണ്ട്. സ്‌പോർട്‌സ് സീസൺ വിപണി ലക്ഷ്യമിട്ട് 23 പുതിയ ഔട്ട്‌ലെറ്റുകളാണ് ആരംഭിക്കുന്നത്. ഇതോടെ 394 നഗരങ്ങളിലായി 1,838 ഔട്ട്‌ലെറ്റുകളി ഡോമിനോസിന്റെ ശൃംഖല വ്യാപിക്കും.
അടുത്തിടെ ചെറുകിട പിസ കമ്പനികൾ പിസകൾ വില കുറച്ച് വിൽക്കാൻ ആരംഭിച്ചിരുന്നു. ഇത് ഡോമിനോസിന് വലിയ തിരിച്ചടി ആയിരുന്നു. ഇതിന്റെ കൂടി ഭാഗമായിട്ടാണ് പിസകൾക്ക് 50 ശതമാനം കിഴിവ് നൽകാൻ തീരുമാനിച്ചത്. ഇതിന് പുറമേ എവരിഡേയ് വാല്യൂ ഓഫറുകളും കൊണ്ടുവന്നിട്ടുണ്ട്. ഓഹരി വിപണിയിൽ നേരിയ നഷ്ടം ഡോമിനോസ് നേരിടുന്നുണ്ട്. ഇതും 50 ശതമാനം വിലക്കുറവിലേക്ക് ഡോമിനോസിനെ നയിച്ച ഘടകമാണ്.
Discussion about this post