ചെന്നൈ: മധുര മീനാക്ഷി ക്ഷേത്രത്തിൽ ദർശനം നടത്തി നടൻ ഉണ്ണി മുകുന്ദൻ. ചിത്രങ്ങൾക്കൊപ്പം താരം തന്നെയാണ് ക്ഷേത്ര ദർശനത്തിന്റെ വിവരം ആരാധകരുമായി പങ്കുവച്ചത്. എല്ലാവർക്കും ഉണ്ണി മുകുന്ദൻ നവരാത്രി ആശംസകൾ അറിയിച്ചു.
കഴിഞ്ഞ ദിവസം ആയിരുന്നു ഉണ്ണി മുകുന്ദൻ ക്ഷേത്ര ദർശനം നടത്തിയത്. ക്ഷേത്രത്തിന് മുൻപിലുള്ള ചിത്രങ്ങൾ സഹിതം ഫേസ്ബുക്കിലൂടെയായിരുന്നു അദ്ദേഹം ഈ വിവരം പങ്കുവച്ചത്. മധുര മീനാക്ഷി ക്ഷേത്രത്തിൽ സായാഹ്നം ചിലവഴിച്ചതായി ഉണ്ണി മുകുന്ദൻ പറഞ്ഞു. ഹൃദയം മധുര മീനാക്ഷിയ്ക്ക് മുൻപിൽ ഉപേക്ഷിച്ച്, പ്രതീക്ഷകളും ഊർജ്ജവും നിറഞ്ഞ ആത്മാവുമായി മടങ്ങി. ഇനിയും കാണാത്തവർ ഇവിടെ വരണം. പൂർവ്വികർ സംരക്ഷിച്ച മഹത്തായ സംസ്കാരം കാണുകയും അനുഭവിക്കുകയും ചെയ്യണം എന്നും ഉണ്ണി മുകുന്ദൻ ഫേസ്ബുക്കിൽ കുറിച്ചു.
വെള്ള ഷർട്ടും മുണ്ടും ധരിച്ചായിരുന്നു ഉണ്ണി മുകുന്ദൻ ക്ഷേത്രത്തിൽ എത്തിയത്. നവരാത്രി ആഘോഷങ്ങൡ പങ്കെടുക്കാനാണ് താരം ഇവിടെ എത്തിയത് എന്നാണ് വിവരം. നവരാത്രി വേളയിൽ ക്ഷേത്രത്തിൽ വലിയ ആഘോഷപരിപാടികൾ ആണ് നടക്കാറുള്ളത്. ഒൻപത് ദിവസവും നീണ്ട് നിൽക്കുന്ന ഉത്സവം ക്ഷേത്രത്തിൽ ഏറെ പ്രധാനപ്പെട്ട ഒന്നാണ്.
Discussion about this post