ധർമ്മശാല: ഏകദിന ക്രിക്കറ്റിൽ ഏറ്റവും വേഗത്തിൽ 2000 റൺസ് തികയ്ക്കുന്ന ബാറ്ററായി ഇന്ത്യയുടെ ശുഭ്മാൻ ഗിൽ. 38 ഇന്നിംഗ്സുകളിൽ നിന്നാണ് ശുഭ്മാൻ ഗിൽ ഈ നേട്ടം കൈവരിച്ചത്.
ദക്ഷിണാഫ്രിക്കൻ ബാറ്റർ ഹാസിം ആംലയായിരുന്നു ഈ റെക്കോഡിന് ഉടമ. 40 ഇന്നിംഗ്സുകളിലാണ് ഹാസിം ആംല 2000 റൺസ് തികച്ചത്. ന്യൂസിലൻഡിനെതിരായ ലോകകപ്പ് മത്സരത്തിലാണ് ശുഭ്മാൻ ഗിൽ ഈ റെക്കോഡ് സ്വന്തം പേരിലാക്കി തിരുത്തി കുറിച്ചത്. കളിയിൽ 31 പന്തിൽ നിന്ന് 26 റൺസെടുത്ത് ശുഭ്മാൻ ഗിൽ പുറത്തായി.
2018 ലെ അണ്ടർ 18 ലോകകപ്പിലെ മിന്നുന്ന പ്രകടനത്തോടെയാണ് പഞ്ചാബിൽ നിന്നുളള താരമായ ശുഭ്മാൻ ഗിൽ ക്രിക്കറ്റിൽ ശ്രദ്ധിക്കപ്പെടുന്നത്. 2019 ലാണ് ദേശീയ ടീമിലേക്കുളള കടന്നുവരവ്.
മികച്ച ടെക്നിക്കും ടൈമിംഗും സ്ട്രോക്ക് പ്ലെയും നിറഞ്ഞ ഇന്നിംഗ്സുകളിലൂടെ ചുരുങ്ങിയകാലം കൊണ്ട് ഇന്ത്യൻ ബാറ്റിംഗ് നിരയിലെ ഓപ്പണർ റോളിൽ വരെയെത്തി. ബാറ്റിംഗിലെ സ്ഥിരതയും സ്പിന്നും പേസും ഒരുപോലെ കൈകാര്യം ചെയ്യാനുളള കഴിവുമാണ് ശുഭ്മാൻ ഗില്ലിനെ ഓപ്പണർ സ്ഥാനത്ത് ഉറപ്പിക്കുന്നത്.
Discussion about this post