ലക്നൗ : കുറ്റകൃത്യങ്ങൾ കുറയ്ക്കുവാനും നിയമനടപടികൾ അതിവേഗം ആക്കാനുമായി പുതിയ ഹൈടെക് സാങ്കേതികവിദ്യകളുമായി തയ്യാറെടുക്കുകയാണ് ഉത്തർപ്രദേശ് പോലീസ്. മറ്റു പലയിടങ്ങളിലും പോലീസ് സേന ഉപയോഗിക്കുന്ന സാധാരണ രീതിയിലുള്ള വാക്കി-ടോക്കികൾക്ക് പകരമായി നൂതന പിഒസി സാങ്കേതികവിദ്യ അവതരിപ്പിച്ചിരിക്കുകയാണ് ഇപ്പോൾ യുപി പോലീസ്.
നിലവിലുള്ള പഴയ പരമ്പരാഗത ഹൈ ഫ്രീക്വൻസി (HF), വെരി ഹൈ ഫ്രീക്വൻസി (VHF) വയർലെസ് വോക്കി-ടോക്കികൾക്ക് പകരമായി പുഷ് ടു ടോക്ക് ഓവർ സെല്ലുലാർ (പിഒസി) സംവിധാനം ആയിരിക്കും ഇനി ഉത്തർപ്രദേശ് പോലീസിന് കരുത്തേകുക. തത്സമയ ലൊക്കേഷനുകൾ ട്രാക്ക് ചെയ്യാനും ഗ്രൂപ്പ് ആയോ വ്യക്തിഗതമായോ ആശയവിനിമയങ്ങൾ നടത്താനും വീഡിയോ കോളുകൾ ചെയ്യാനും കഴിയുന്നവയാണ് പിഒസി വാക്കി ടോക്കികൾ.
ഫ്രാൻസിലെയും ഫിൻ‌ലൻഡിലെയും പോലീസ് ഉപയോഗിക്കുന്ന പിഒസി സംവിധാനം ഉടൻ തന്നെ ഉത്തർപ്രദേശിൽ അവതരിപ്പിക്കപ്പെടും. മുഖ്യമന്ത്രി യോഗി ആദിത്യനാഥ് ആയിരിക്കും യുപി പോലീസിന്റെ മുഖച്ഛായ തന്നെ മാറ്റുന്ന പുതിയ ആശയവിനിമയ സാങ്കേതിക വിദ്യ അവതരിപ്പിക്കുക.
Discussion about this post