മലപ്പുറം: പൊന്നാനിയിൽ കടലിൽ കുളിക്കാനിറങ്ങിയ കുട്ടി മുങ്ങിമരിച്ചു. പൊന്നാനി തവായിക്കന്റകത്ത് മുജീബിന്റെ മകൻ മിഹ്റാൻ (9) ആണ് മരിച്ചത്. ഉച്ചയോടെയായിരുന്നു സംഭവം.
കൂട്ടുകാർക്കൊപ്പം കടലിൽ കുളിക്കുകയായിരുന്നു മിഹ്റാൻ. ഇതിനിടെയാണ് അപകടം ഉണ്ടായത്. പെട്ടെന്ന് തിരയിൽപ്പെടുകയായിരുന്നു. ഇതോടെ കൂട്ടത്തിലുള്ള കുട്ടികൾ ബഹളംവച്ചു. തുടർന്ന് പ്രദേശവാസികൾ ഓടിക്കൂടുക ആയിരുന്നു.
തുടർന്ന് ഇവരുടെ നേതൃത്വത്തിൽ തിരച്ചിൽ നടത്തി. കുട്ടിയെ കണ്ടെത്തി ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. കുട്ടിയുടെ മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറും.
Discussion about this post