മുംബൈ : 9 നില കെട്ടിടത്തിന് തീപിടിച്ച് രണ്ടു മരണം. മുംബൈയിലെ കണ്ടിവാലി പ്രദേശത്താണ് സംഭവം. എട്ടു വയസ്സുള്ള കുട്ടിയും 43 വയസ്സുകാരിയുമാണ് മരണപ്പെട്ടത്. നിരവധി പേർക്ക് പരിക്കേറ്റിട്ടുണ്ട്.
തിങ്കളാഴ്ച ഉച്ചയോടെ ആയിരുന്നു തീപിടുത്തം ഉണ്ടായത്. ഷോർട്ട് സർക്യൂട്ട് മൂലമാണ് തീ പിടിച്ചതെന്ന് പറയപ്പെടുന്നു. അഞ്ചു പേരെ ഗുരുതരമായി പൊള്ളലേറ്റ നിലയിൽ ആശുപത്രിയിൽ പ്രവേശിപ്പിച്ചിട്ടുണ്ട്. മുംബൈ ഫയർ സർവീസ് വിഭാഗം ഉടൻതന്നെ സ്ഥലത്തെത്തി അണച്ചെങ്കിലും നിരവധി പേർക്ക് പരിക്കേറ്റിരുന്നു.
43 കാരിയായ ഗ്ലോറി വാൽഫാത്തി എട്ടു വയസ്സുള്ള ജോസു ജെംസ് റോബർട്ട് എന്നിവരാണ് മരണപ്പെട്ടത്. തിങ്കളാഴ്ച ഉച്ചയ്ക്ക് 12.27 നാണ് 9 നില കെട്ടിടത്തിൽ തീപിടുത്തം ഉണ്ടായത്. ഇലക്ട്രിക് ഉപകരണങ്ങളിൽ നിന്നുള്ള ഷോർട്ട് സർക്യൂട്ട് ആണ് തീപിടുത്തത്തിന് കാരണമായതെന്നാണ് ഫയർ സർവീസ് വിഭാഗം അറിയിക്കുന്നത്.
