കൊല്ലം : ആർഎസ്എസ് പ്രവർത്തകർക്ക് നേരെ എസ്ഡിപിഐ പ്രവർത്തകരുടെ ആക്രമണം. കൊല്ലം കരുനാഗപ്പള്ളിയിലാണ് ആർഎസ്എസ് പ്രവർത്തകരെ ആക്രമിച്ചത്. വിജയദശമി ചടങ്ങുകളുമായി ബന്ധപ്പെട്ട് പ്രവർത്തിച്ചിരുന്ന ആർഎസ്എസ് പ്രവർത്തകർക്ക് നേരെ പരിഹാസവുമായി വരികയും ആക്രമണം നടത്തുകയുമായിരുന്നു.
ആക്രമണത്തിൽ മൂന്ന് ആർഎസ്എസ് പ്രവർത്തകർക്ക് പരിക്കേറ്റു. സംഭവവുമായി ബന്ധപ്പെട്ട് കണ്ടാലറിയാവുന്ന മൂന്ന് എസ്ഡിപിഐ പ്രവർത്തകർക്കെതിരെ പോലീസ് കേസെടുത്തിട്ടുണ്ട്. കൊലപാതക ശ്രമത്തിനുള്ള കുറ്റം ചുമത്തിയാണ് കേസ് എടുത്തിരിക്കുന്നത്. സംഭവം അറിഞ്ഞ് കൂടുതൽ ആർഎസ്എസ് പ്രവർത്തകർ സ്ഥലത്തെത്തിയെങ്കിലും മുതിർന്ന നേതാക്കൾ എത്തി ഇവരെ പ്രതിഷേധത്തിൽ നിന്നും പിന്തിരിപ്പിക്കുകയായിരുന്നു.
കരുനാഗപ്പള്ളിയിലെ പുതിയകാവ് ജംഗ്ഷനിൽ വച്ചാണ് ബൈക്കിൽ എത്തിയ മൂന്നംഗ സംഘം ആക്രമണം നടത്തിയത്. ഇവർ കയ്യിൽ കരുതിയിരുന്ന ആയുധം ഉപയോഗിച്ച് ആർഎസ്എസ് പ്രവർത്തകരെ ആക്രമിക്കുകയും പരിക്കേൽപ്പിക്കുകയും ആയിരുന്നു. പരിക്കേറ്റ യുവാക്കളെ കരുനാഗപ്പള്ളി താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്.
