എറണാകുളം : നെടുമ്പാശേരി അന്താരാഷ്ട്ര വിമാനത്താവളത്തിൽ വൻ സ്വർണവേട്ട. ദുബായിൽ നിന്നും എത്തിയ സംഘത്തിൽ നിന്നുമാണ് അനധികൃതമായി കടത്തിയ സ്വർണാഭരണങ്ങൾ കസ്റ്റംസ് അധികൃതർ കണ്ടെത്തിയത്. 33 ലക്ഷം രൂപയുടെ ആഭരണങ്ങളാണ് പിടികൂടിയിട്ടുള്ളത്.
ദുബായിൽ നിന്നും നെടുമ്പാശ്ശേരിയിലെത്തിയ അഞ്ച് പേർ അടങ്ങുന്ന സംഘമാണ് സ്വർണ്ണക്കടത്തിന് പിടിയിലായത്. നാല് സ്വർണ്ണമാലകളും 27 സ്വർണ മോതിരങ്ങളും ആണ് ഇവരിൽ നിന്നും പിടികൂടിയത്. താക്കോൽക്കൂട്ടത്തിനുള്ളിൽ ഒളിപ്പിച്ച നിലയിൽ ആയിരുന്നു സ്വർണ്ണം കണ്ടെത്തിയത്.
കോഴിക്കോട് സ്വദേശിയായ സാദിഖ് എന്ന യുവാവിന്റെ നേതൃത്വത്തിലാണ് സ്വർണ്ണക്കടത്ത് നടത്തിയത് എന്നാണ് കസ്റ്റംസ് അറിയിക്കുന്നത്. ബാഗേജിൽ അസ്വാഭാവികത തോന്നിയതിനെത്തുടർന്നാണ് അഞ്ചംഗ സംഘത്തെ വിശദമായി പരിശോധിക്കുന്നത്. തുടർന്നാണ് താക്കോൽക്കൂട്ടത്തിന്റെ കൂടെ ഒളിപ്പിച്ച നിലയിൽ സ്വർണ്ണം കണ്ടെത്തിയത്.
Discussion about this post