ചുംബന വിവാദത്തിൽ ഉൾപ്പെട്ട മുൻ സ്പാനിഷ് ഫുട്ബോൾ താരം ലൂയിസ് റൂബിയാലെസിന് ഫിഫ മൂന്നുവർഷത്തെ വിലക്ക് ഏർപ്പെടുത്തി. വനിതാ ലോകകപ്പ് ഫൈനലിൽ ട്രോഫി നൽകുന്ന ചടങ്ങിനിടെയാണ് വനിതാ താരം ജെന്നി ഹെർമോസോയുടെ ചുണ്ടിൽ റൂബിയാലെസ് ബലമായി ചുംബിച്ചത്.
മാന്യമായ പെരുമാറ്റത്തിന്റെ അടിസ്ഥാന നിയമങ്ങൾ ലംഘിച്ചു, ഫുട്ബോളിനെയും ഫിഫയെയും അപകീർത്തിപ്പെടുത്തുന്ന രീതിയിലുള്ള പെരുമാറ്റം നടത്തി എന്നിങ്ങനെയുള്ള കാരണങ്ങളാണ് വിലക്കേർപ്പെടുത്താൻ ഉള്ള കാരണമായി ഫിഫ ചൂണ്ടിക്കാട്ടുന്നത്. ആരോപണങ്ങൾ അന്വേഷിച്ച അച്ചടക്ക സമിതി ജഡ്ജിമാരുടെ വിധിയുടെ വിശദാംശങ്ങൾ ഫിഫ പുറത്തുവിട്ടിട്ടില്ല.
2018 മുതൽ സ്പാനിഷ് ഫെഡറേഷൻ പ്രസിഡന്റ് സ്ഥാനം വഹിച്ചിരുന്ന താരം കൂടിയാണ് ലൂയിസ് റൂബിയാലെസ്. ചുംബന വിവാദത്തോടെ അദ്ദേഹം ആ സ്ഥാനത്തുനിന്നും പുറത്താക്കപ്പെട്ടിരുന്നു. വിവാദത്തെ തുടർന്ന് യൂറോപ്യൻ ഫുട്ബോൾ സംഘടനയായ യുവേഫയുടെ വൈസ് പ്രസിഡന്റ് സ്ഥാനവും റുബിയാലെസിന് ഉപേക്ഷിക്കേണ്ടിവന്നിരുന്നു.
Discussion about this post