മോഹന്ലാല്-ജീത്തു ജോസഫ് കൂട്ടുകെട്ടില് എത്തുന്ന പുതിയ ചിത്രം നേരിന്റെ റിലീസ് പ്രഖ്യാപിച്ചു. ചിത്രം ഡിസംബറില് 21ന് തിയേറ്ററുകളിലെത്തും. നിയമയുദ്ധം ആരംഭിക്കുന്നു.. എന്ന ക്യാപ്ഷനോടെ പുറത്തുവിട്ട പോസ്റ്ററിലാണ് ചിത്രം ഡിസംബറില് തിയേറ്ററുകളിലെത്തുമെന്ന് പ്രഖ്യാപിച്ചിരിക്കുന്നത്. മോഹന്ലാല് ആണ് പോസ്റ്റര് സോഷ്യല് മീഡിയയിലൂടെ പുറത്ത് വിട്ടത്.
ക്രിസ്മസിന് ബോളിവുഡ്, ടോളിവുഡ് ചിത്രങ്ങളോട് ഏറ്റുമുട്ടാനാണ് നേരും എത്തുന്നത്. ഷാരൂഖ് ഖാന് ചിത്രം ‘ഡങ്കി’യും പ്രഭാസ് ചിത്രം ‘സലാറും’ ഡിസംബര് 22ന് ആണ് തിയേറ്ററുകളില് എത്തുന്നത്. ഈ ചിത്രങ്ങള്ക്ക് തൊട്ടു മുന്നിലായാണ് നേര് എത്താന് പോകുന്നത്. ഇതോടെ ക്രിസ്മസ് കാലം മാസാകുമെന്ന് ആരാധകര് അഭിപ്രായപ്പെടുന്നു.
ആശിര്വാദ് സിനിമാസിന്റെ മുപ്പത്തിമൂന്നാമത് നിര്മാണ സംരംഭമാണിത്. ദൃശ്യം, ദൃശ്യം 2, ട്വല്ത്ത് മാന്, റാം എന്നീ ചിത്രങ്ങള്ക്ക് ശേഷമാണ് മോഹന്ലാല്-ജീത്തു ജോസഫ് കൂട്ടുകെട്ട് വീണ്ടും ഒന്നിക്കുന്നത്. കോടതി പശ്ചാത്തലമാക്കി ഒരുങ്ങുന്ന ചിത്രമാണിത്.
ജീത്തു ജോസഫിനൊപ്പം ശാന്തി മായാദേവിയും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സതീഷ് കുറുപ്പാണ് ഛായാഗ്രഹണം. പ്രിയാമണി, അനശ്വര രാജന്, സിദ്ദിഖ്, ജഗദീഷ് എന്നീ താരങ്ങളും ചിത്രത്തില് പ്രധാന വേഷത്തില് എത്തുന്നുണ്ട്.
Discussion about this post