പാറ്റ്ന: ബിഹാറില് താമസിക്കുന്ന കുടുംബങ്ങളില് മൂന്നിലൊന്നും ദാരിദ്ര്യത്തിലാണ് കഴിയുന്നതെന്നും പ്രതിമാസ വരുമാനം 6,000 രൂപയോ അതില് കുറവോ ആണെന്നും റിപ്പോര്ട്ട്. ബിഹാര് സര്്ക്കാര് നിയമസഭയില് രണ്ടാം ഘട്ട സര്വ്വേയിലാണ് ഞെട്ടിക്കുന്ന കണ്ടെത്തല്.
സംസ്ഥാനത്തെ 215 പട്ടികജാതികള്, പട്ടികവര്ഗ, പിന്നോക്ക വിഭാഗങ്ങള്, പിന്നാക്ക വിഭാഗത്തിലെ അതി ദരിദ്രര് എന്നിവരുടെ സാമ്പത്തിക സ്ഥിതി വിവരിക്കുന്നതാണ് റിപ്പോര്ട്ട്. സംസ്ഥാനത്തെ കുടുംബങ്ങളില് മൂന്നിലൊന്നും ദാരിദ്ര്യത്തിലാണ് കഴിയുന്നതെന്നും പ്രതിമാസ വരുമാനം 6,000 രൂപയോ അതില് കുറവോ ആണെന്നും റിപ്പോര്ട്ട് വ്യക്തമാക്കുന്നു.
പട്ടികജാതി വിഭാഗത്തിലുള്ള 42 ശതമാനത്തിലധികം കുടുംബങ്ങളും മുന്നാക്ക വിഭാഗത്തില് നിന്നുള്ള 25 ശതമാനം പേരും ദരിദ്രരാണ്. കൂടാതെ ബിഹാറിലെ പട്ടികവര്ഗ കുടുംബങ്ങളില് 42.70 ശതമാനവും ദരിദ്രരാണ്. പിന്നാക്ക വിഭാഗങ്ങളില് നിന്നുള്ള 33.16 ശതമാനവും, അങ്ങേയറ്റം പിന്നാക്ക വിഭാഗങ്ങളില് നിന്നുള്ള 33.58 ശതമാനം പേരും അതി ദരിദ്രരാണെന്നും റിപ്പോര്ട്ടില് പറയുന്നു. ബീഹാറിലെ ഏറ്റവും വലിയ ഭൂവുടമസ്ഥ ജാതി എന്ന് കരുതുന്ന ഭൂമിഹാറുകളിലും ദാരിദ്ര്യ അനുപാതം (27.58) ഗണ്യമായി ഉയര്ന്നിട്ടുണ്ട്.
അതേസമയം, ജാതി സര്വേ അനുസരിച്ച്, ജനറല് വിഭാഗത്തില് നിന്നുള്ള 6 ലക്ഷത്തിലധികം ആളു സര്ക്കാര് ജോലിയുള്ളവരാണ്. ഇത് മൊത്തം ജനസംഖ്യയുടെ 3.19 ശതമാനമാണ്. ഭൂമിഹാറുകളില് 4.99 ശതമാനം പേര്ക്കും ബ്രാഹ്മണരില് 3.60 ശതമാനം പേര്ക്കും സര്ക്കാര് ജോലിയുള്ളതായി സര്വ്വേ വ്യക്തമാക്കുന്നു.
പിന്നോക്ക വിഭാഗത്തില് 6,21,481 പേര് സര്ക്കാര് ജീവനക്കാരാണ്. 1.55 ശതമാനം വരുന്ന യാദവ സമുദായത്തില് നിന്നുള്ള 2,89,538 പേരും കുശ്വാഹ സമുദായത്തിലെ 2.04 ശതമാനം പേരും സര്ക്കാര് ജീവനക്കാരാണ്. കുര്മികളില് 3.11 ശതമാനവും വ്യാപാരികളില് 1.96 ശതമാനവും സുര്ജപുരി മുസ്ലീങ്ങളില് 0.63 ശതമാനവും ഭാന്ത് 4.21 ശതമാനവും മാലിക് മുസ്ലീങ്ങളില് 1.39 ശതമാനവും സര്ക്കാര് ജീവനക്കാരാണ്.
50 ലക്ഷത്തിലധികം ബിഹാറികള് സംസ്ഥാനത്തിന് പുറത്താണ് താമസിക്കുന്നതെന്ന് സര്വേയുടെ മറ്റൊരു പ്രധാന കണ്ടെത്തല്. ഇതില് 46 ലക്ഷത്തോളം പേര് മറ്റ് സംസ്ഥാനങ്ങളില് ഉപജീവനം നടത്തുന്നവരാണ്, 2.17 ലക്ഷം പേര് വിദേശത്തുമാണ്. കൂടാതെ മറ്റ് സംസ്ഥാനങ്ങളില് പഠിക്കുന്നവര് 5.52 ലക്ഷവും 27,000 പേര് വിദേശത്ത് പഠിക്കുന്നവരുമാണ്.
Discussion about this post