അമൃത്‌സർ: അമൃത്‌സറിലെ മോഡ് ഗ്രാമത്തിലെ കൃഷിയിടത്തിൽ ഡ്രോൺ വെടിവച്ചിട്ട് ബിഎസ്എഫ്. തുടർന്ന് നടത്തിയ പരിശോധനയിൽ, 565 ഗ്രാം ഭാരമുള്ള പ്ലാസ്റ്റിക് കണ്ടെയ്നർ കണ്ടെടുത്തിട്ടുണ്ട്.
കഴിഞ്ഞ ദിവസം അ‌ർദ്ധരാത്രിയോടെയാണ് രഹസ്യ വിവരത്തിന്റെ അ‌ടിസ്ഥാനത്തിൽ നടത്തിയ പരിശോധനയിലാണ് ബിഎസ്എഫ് സംശയാസ്പദമായ സാഹചര്യത്തിൽ ഡ്രോൺ കണ്ടെത്തിയത്. ഇതേതുടർന്ന് നടത്തിയ വിശദമായ പരിശോധനയിൽ 565 ഗ്രാം ഭാരമുള്ള പ്ലാസ്റ്റിക് കണ്ടെയ്നർ കണ്ടെടുക്കുകയായിരുന്നു. മഞ്ഞ ടേപ്പ് കൊണ്ട് പൊതിഞ്ഞ നിലയിലായിരുന്നു കവർ. ഇതിനുള്ളിൽ ഹെറോയിൻ ആണെന്നാണ് പ്രഥമിക നിഗമനം. ഇതിൽ ഒരു ലോഹം കൊണ്ടുള്ള ഒരു റിംഗും ഘടിപ്പിച്ചിരുന്നു.
ഇതോടെ ഡ്രോൺ വഴി മയക്കുമരുന്ന് കടത്താനുള്ള മറ്റൊരു ശ്രമം കൂടി ബിഎസ്എഫ് പരാജയപ്പെടുത്തിയതായി സൈന്യം പ്രസ്താവനയിൽ പറഞ്ഞു.
