പാലക്കാട് : ഭരണപക്ഷത്തിന്റെ അജണ്ട നടപ്പിലാക്കാനുള്ള വേദി മാത്രമാണ് നവകേരള സദസെന്ന് ശശി തരൂർ എംപി. സര്ക്കാരിന്റെ പണി ഇതല്ല എന്നും അദ്ദേഹം വ്യക്തമാക്കി. ജനങ്ങളുടെ ബുദ്ധിമുട്ടുകൾ പരിഹരിക്കാൻ സർക്കാരിന് കഴിയുന്നില്ലെന്നും ബസ്സിൽ കയറി കേമത്തം കാണിച്ചിട്ട് കാര്യമില്ല എന്നും ശശി തരൂർ വിമർശിച്ചു.
ജനങ്ങളുടെ ആവശ്യങ്ങൾ സർക്കാർ നിറവേറ്റുന്നുണ്ടോ എന്നതാണ് പ്രധാനമെന്ന് ശശി തരൂർ സൂചിപ്പിച്ചു. ഉമ്മന്ചാണ്ടി നടത്തിയ ജനസമ്പര്ക്ക പരിപാടികൾ കണ്ടിട്ടുള്ളതല്ലേ. അല്ലാതെ നിലവിൽ എൽഡിഎഫ് സർക്കാർ നടത്തുന്ന നവകേരള സദസ്സ് ഭരണപക്ഷത്തിന്റെ അജണ്ട നടപ്പിലാക്കാനുള്ള വേദി മാത്രമാണെന്നും അദ്ദേഹം കുറ്റപ്പെടുത്തി.
കോഴിക്കോട് വൈകിട്ട് നടക്കുന്ന കോൺഗ്രസിന്റെ പലസ്തീൻ ഐക്യദാര്ഢ്യ റാലിയിൽ പങ്കെടുക്കുമെന്ന് ശശി തരൂർ അറിയിച്ചു. പലസ്തീന് ജനത അനുഭവിക്കുന്ന ദുരിതത്തേക്കുറിച്ച് ആണ് തനിക്ക് പറയാനുള്ളത് എന്നും അദ്ദേഹം വ്യക്തമാക്കി. തന്റെ സാന്നിധ്യത്തിന് പ്രത്യേക പ്രാധാന്യം കൊടുക്കേണ്ട കാര്യമില്ല. ലീഗ് വേദിയില് മാത്രമല്ല നേരത്തെയും ഇക്കാര്യത്തിലെ അഭിപ്രായം വ്യക്തമാക്കിയിട്ടുണ്ടെന്നും ശശി തരൂര് എംപി അറിയിച്ചു.
Discussion about this post