തിരുവനന്തപുരം : കേരളത്തിൽ പലയിടത്തും വലിയ രീതിയിൽ പകർച്ചവ്യാധികൾ വ്യാപിക്കുന്നതായി റിപ്പോർട്ട്. മൂന്ന് ജില്ലകൾക്ക് പ്രത്യേക ജാഗ്രതാ നിർദേശം നൽകിയിട്ടുണ്ട്. തിരുവനന്തപുരം, കൊല്ലം, എറണാകുളം ജില്ലകളാണ് പ്രത്യേക ജാഗ്രത പാലിക്കണമെന്ന് നിർദ്ദേശം നൽകിയിട്ടുള്ളത്.
പകർച്ചവ്യാധികൾ വ്യാപകമാകുന്ന സാഹചര്യത്തിൽ ആരോഗ്യ മന്ത്രിയുടെ നേതൃത്വത്തിൽ നടന്ന ഉന്നതതല യോഗത്തിലാണ് മൂന്ന് ജില്ലകൾക്ക് പ്രത്യേക ജാഗ്രതാ നിർദ്ദേശം നൽകിയിട്ടുള്ളത്. ഡെങ്കിപ്പനി പോലെയുള്ള പകർച്ചപ്പനികൾ ഈ ജില്ലകളിൽ രൂക്ഷമാകുന്നതായുള്ള റിപ്പോർട്ടിനെ തുടർന്നാണ് ജാഗ്രത പുലർത്തണമെന്ന് നിർദ്ദേശം നൽകിയിട്ടുള്ളത്.
തിരുവനന്തപുരം, കൊല്ലം, എറണാകുളം ജില്ലകളുടെ നഗരപ്രദേശങ്ങളിലും തീരപ്രദേശങ്ങളിലും വലിയതോതിൽ ഡെങ്കിപ്പനി വ്യാപിക്കുന്നുണ്ട്. സംസ്ഥാനത്തിന്റെ മറ്റു പല ഭാഗങ്ങളിലും ഡെങ്കിപ്പനി പടർന്നുപിടിക്കുന്നതായി റിപ്പോർട്ടുകൾ ഉണ്ട്. കഴിഞ്ഞദിവസം മാത്രം എൺപത്തിയഞ്ചോളം പേർക്കാണ് സംസ്ഥാനത്ത് ഡെങ്കിപ്പനി ബാധിച്ചിട്ടുള്ളത്.
Discussion about this post