ഹൈദരാബാദ് : തെലങ്കാനയിലെ ജനങ്ങൾ തന്നെ അമ്മ എന്ന് വിളിച്ചുകൊണ്ട് വലിയ ബഹുമാനമാണ് നൽകിയത് എന്ന് കോൺഗ്രസ് അധ്യക്ഷ സോണിയ ഗാന്ധി. അതിനെത്താൻ എപ്പോഴും നന്ദിയുള്ളവൾ ആയിരിക്കും എന്നും സോണിയ വ്യക്തമാക്കി. തെലങ്കാനയിലെ തിരഞ്ഞെടുപ്പ് പ്രചാരണവുമായി ബന്ധപ്പെട്ട് സംസാരിക്കുകയായിരുന്നു സോണിയ ഗാന്ധി.
നവംബർ 29ന് നടക്കുന്ന നിയമസഭാ തിരഞ്ഞെടുപ്പിൽ എല്ലാവരും കോൺഗ്രസിന് വോട്ട് ചെയ്യണമെന്ന് സോണിയ തെലങ്കാനയിലെ ജനങ്ങളോട് അഭ്യർത്ഥിച്ചു. കോൺഗ്രസ് ആണ് 2014-ൽ ആന്ധ്രാപ്രദേശിനെ വിഭജിച്ച് തെലങ്കാന സംസ്ഥാനം രൂപീകരിക്കുന്നതിന് കാരണമായതെന്നും സോണിയ സൂചിപ്പിച്ചു. തെലങ്കാനയിലെ ജനങ്ങളുടെ സ്നേഹത്തിന് നന്ദിയുണ്ടെന്നും സോണിയ വ്യക്തമാക്കി.
പ്രത്യേക തെലങ്കാന സംസ്ഥാനം രൂപീകരിക്കാനായി പതിറ്റാണ്ടുകൾ നീണ്ട പ്രക്ഷോഭത്തിന് നേതൃത്വം നൽകിയത് കെ ചന്ദ്രശേഖർ റാവുവാണ്. തെലങ്കാനയിലെ കഴിഞ്ഞ രണ്ട് നിയമസഭാ തിരഞ്ഞെടുപ്പുകളിലും കെ ചന്ദ്രശേഖർ റാവു നേതൃത്വം നൽകുന്ന ബി ആർ എസ് പാർട്ടിയാണ് അധികാരത്തിൽ എത്തിയത്. തുടർച്ചയായി മൂന്നാം തവണയും കെ സി ആർ തന്നെ തെലങ്കാനയിൽ അധികാരത്തിൽ വരുമെന്നാണ് പ്രതീക്ഷിക്കപ്പെടുന്നത്.
Discussion about this post