ന്യൂഡൽഹി : ഹിമാലയത്തിന്റെ പടിഞ്ഞാറൻ ഭാഗങ്ങളിൽ മഞ്ഞുവീഴ്ച ശക്തമാകുന്നതായി കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. ഉത്തരേന്ത്യൻ സംസ്ഥാനങ്ങളിൽ രാത്രിയോടെ കനത്ത മൂടൽമഞ്ഞ് ആണ് അനുഭവപ്പെടുന്നത്. രാത്രിയിൽ താപനില 4 ഡിഗ്രിയിൽ താഴെ കുറയാൻ സാധ്യതയുള്ളതായും കാലാവസ്ഥ വകുപ്പിന്റെ മുന്നറിയിപ്പുണ്ട്.
മാറുന്ന കാലാവസ്ഥയെ തുടർന്ന് ഉത്തരേന്ത്യയിലെ പല സംസ്ഥാനങ്ങളിലും അടുത്ത ദിവസങ്ങളിൽ താപനില കുറയുമെന്നാണ് പ്രതീക്ഷിക്കുന്നത്. കുറഞ്ഞ താപനില 2 മുതൽ 4 ഡിഗ്രി വരെ കുറയാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇതിനുപുറമെ, ഹരിയാന, പഞ്ചാബ് ഉൾപ്പെടെ കിഴക്കൻ ഉത്തർപ്രദേശിന്റെ വിവിധ ഭാഗങ്ങളിലും ഇടതൂർന്ന മൂടൽമഞ്ഞ് ഉണ്ടാകാൻ സാധ്യതയുണ്ട്.
ഒറ്റപ്പെട്ട പടിഞ്ഞാറൻ ഹിമാലയൻ പർവതനിരകളിൽ ആറര മുതൽ ഏഴായിരം അടി വരെ മഞ്ഞുവീഴ്ച ഉണ്ടാകാൻ സാധ്യതയുണ്ടെന്ന് കാലാവസ്ഥാ വകുപ്പിലെ ശാസ്ത്രജ്ഞർ പറയുന്നു. ഇക്കാരണത്താൽ കാറ്റ് വീശുന്നതിനാൽ സമതലങ്ങളിലെ താപനില കുറയാനിടയുണ്ട്. പടിഞ്ഞാറ് നിന്നുമുള്ള ഈ മാറ്റങ്ങളുടെ ഫലമായി പഞ്ചാബ്, ഹരിയാന എന്നിവിടങ്ങളിൽ കനത്ത കാറ്റിനും സാധ്യതയുള്ളതായി കണക്കാക്കുന്നു.
Discussion about this post