ശ്രീനഗർ: ജമ്മുകശ്മീരിൽ ഠഭീകരാക്രമണം. സുരക്ഷാ സേനയ്ക്ക് നേരെ ഭീകരർ വെടിയുതിർക്കുകയായിരുന്നു. ശ്രീനഗറിലെ ബെമിനയിൽ വച്ചുണ്ടായ ആക്രമണത്തിൽ ഒരു പോലീസ് ഉദ്യോഗസ്ഥന് പരിക്കേറ്റു. കുപ്വാരയിൽ നിന്നുള്ള പോലീസ് കോൺസ്റ്റബിൾ മുഹമ്മദ് ഹാഫീസിനാണ് പരിക്കേറ്റത്. ഇദ്ദേഹത്തെ ഉടൻ തന്ന ആശുപത്രിയിലേക്ക് മാറ്റി. പ്രദേശത്ത് കൂടുതൽ സൈന്യത്തെ വിന്യസിക്കുകയും പ്രത്യാക്രമണം നടത്തുകയും ചെയ്തതായി പോലീസ് വ്യക്തമാക്കി.
വീരമൃത്യു വരിച്ച ജമ്മു കശ്മീർ പോലീസ് ഇൻസ്പെക്ടർ മസ്റൂർ അഹമ്മദ് വാനിയുടെ സഹപ്രവർത്തകരും കുടുംബാംഗങ്ങളും അദ്ദേഹത്തിന് അന്തിമ യാത്രാമൊഴി നൽകിയതിന് തൊട്ടുപിന്നാലെയാണ് ശ്രീനഗറിൽ ഭീകരാക്രമണം നടന്നത്.
