തിരുവനന്തപുരം : മുഖ്യമന്ത്രിക്ക് എതിരായ പ്രതിഷേധത്തിന്റെ ഗതി മാറുമെന്ന് KSU സംസ്ഥാന പ്രസിഡന്റ് അലോഷ്യസ് സേവ്യർ. നവകേരള ബസിന് നേരെ ഷൂ എറിഞ്ഞ കെഎസ്യു പ്രവർത്തകരെ തല്ലിച്ചതച്ചതിനെ അലോഷ്യസ് സേവ്യർ രൂക്ഷമായി വിമർശിച്ചു. കരിങ്കൊടിക്ക് പകരം ഇനി കറുത്ത ഷൂ ആയിരിക്കും പ്രതിഷേധത്തിന് ഉണ്ടാവുക എന്നും അദ്ദേഹം വ്യക്തമാക്കി.
നവ കേരള യാത്ര തിരുവനന്തപുരത്തേക്ക് എത്തുമ്പോഴേക്കും ഷൂ കൊണ്ടുള്ള പ്രതിഷേധം ആയിരിക്കും ഏറ്റുവാങ്ങുക എന്ന് KSU സംസ്ഥാന പ്രസിഡന്റ് വ്യക്തമാക്കി. പ്രതിഷേധിക്കുന്നവർക്കെതിരെ പോലീസ് നടത്തുന്ന നരനായാട്ടിനെതിരെ നിയമ നടപടി സ്വീകരിക്കുമെന്നും അദ്ദേഹം അറിയിച്ചു.
“ജനങ്ങളുടെ നികുതിപ്പണം ചെലവാക്കി കാസർകോട് മുതൽ തിരുവനന്തപുരം വരെ ആഡംബര യാത്ര നടത്തുകയാണ് പിണറായി സർക്കാർ. ഇതിനെതിരെ പ്രതിഷേധിക്കുന്നവരെ ഗുണ്ടകളെക്കാൾ ഭീകരമായാണ് ഡിവൈഎഫ്ഐ പ്രവർത്തകർ തല്ലിച്ചതയ്ക്കുന്നത് ” എന്നും അലോഷ്യസ് സേവ്യർ കൂട്ടിച്ചേർത്തു. പെരുമ്പാവൂരിൽ നവ കേരള ബസിന് നേരെ കറുത്ത ഷൂ എറിഞ്ഞ കെഎസ്യു പ്രവർത്തകനെ സുരക്ഷാ ഉദ്യോഗസ്ഥർ ക്രൂരമായി തല്ലി ചതക്കുന്നതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചത് വലിയ പ്രതിഷേധമാണ് ഉണ്ടാക്കുന്നത്.
Discussion about this post