എറണാകുളം : സ്വര്‍ണ വിലയില്‍ വീണ്ടും ഇടിവ്. പവന് 160 രൂപയാണ് ഇന്ന് കുറഞ്ഞത്. ഒരു പവന് സ്വര്‍ണത്തിന് 45,400 രൂപയാണ് ഇന്നത്തെ വില. ഒരു ഗ്രാം സ്വര്‍ണത്തിന് 20 രൂപ കുറഞ്ഞ് 5675 രൂപയുമായി. ഇന്നലെ ഒരു പവന് സ്വര്‍ണത്തിന് 45,560രൂപയും ഒരു ഗ്രാമിന് 5,695രൂപയുമായിരുന്നു വില. രാജ്യാന്തര വിപണിയില്‍ സ്വര്‍ണവില കുറഞ്ഞതാണ് സംസ്ഥാനത്തും സ്വര്‍ണ വില ഇടിയാനുണ്ടായ കാരണം.
ഇസ്രായേല്‍-ഹമാസ് സംഘര്‍ഷമാണ് കഴിഞ്ഞ ദിവസങ്ങളില്‍ സ്വര്‍ണ വില വർദ്ധിക്കാൻ കാരണമെന്നാണ് വിപണി നിരീക്ഷകരുടെ അഭിപ്രായം . രാജ്യാന്തര വിപണിയിലെ സ്വര്‍ണ വിലയും ഡോളറിന്റെ വിനിമയ മൂല്യവും സംസ്ഥാനത്തെ സ്വര്‍ണ വിലയെ ബാധിക്കുന്ന പ്രധാന ഘടകങ്ങളാണ്. ഇസ്രായേല്‍-ഹമാസ് സംഘര്‍ഷം തുടര്‍ന്നാല്‍ സ്വര്‍ണ വില വീണ്ടും വര്‍ദ്ധിച്ചേക്കുമെന്നും റിപ്പോർട്ടുകളുണ്ട്.
Discussion about this post