അഭിനേതാവും സംവിധായകനുമായ ആലപ്പി അഷ്റഫ് സംവിധാനം ചെയ്ത അടിയന്തരാവസ്ഥയിലെ അനുരാഗം മലയാള സിനിമ തരംഗം സൃഷ്ടിച്ചു കൊണ്ടിരിക്കുകയാണ്. മലയാള സിനിമയ്ക്ക് വേണ്ടി ആദ്യമായി ഒരു ക്രിസ്ത്യന്‍ ഡിവോഷ്ണല്‍ ഗാനമായാണ് ശ്രേയാഘോഷല്‍ ഇത്തവണ ക്രിസ്തുമസ് എത്തിയിരിക്കുന്നത്.ആത്മീയതയുടെ അനിര്‍വചനീയമായ അനുഭൂതിയിലേക്ക് ശ്രോതാക്കളെ ഉയര്‍ത്തുന്ന ഒരു മനോഹരമായ ഭക്തിഗാനമാണിത്.ശ്രേയ -ആലപ്പി അഷ്റഫ് കൂട്ടുകെട്ട് മലയാളികള്‍ക്ക് നല്‍കിയ ഒരു ക്രിസ്തുമസ് സമ്മാനം കൂടിയാണിത്.
വരാനിരിക്കുന്ന മലയാളം ചിത്രമായ ‘അടിയന്തരാവസ്ഥയിലെ അനുരാഗം’ല്‍ നിന്നുളള ക്രിസ്ത്യന്‍ ഭക്തിഗാനമായ ‘സ്വര്‍ഗത്തില്‍ വാഴും എന്ന ഗാനമാണ് ശ്രേയാഘോഷാല്‍ പാടിയത്..ഒലിവ് പ്രൊഡക്ഷന്‍സിന്റെ ബാനറില്‍ കുര്യാച്ചന്‍ വളക്കുഴിയും ടൈറ്റസ് ആറ്റിങ്ങലും ചേര്‍ന്നാണ് അടിയന്തരാവസ്ഥ കാലത്തേ അനുരാഗം എന്ന ചിത്രം നിര്‍മ്മിച്ചിരിക്കുന്നത്.
ടൈറ്റസ് ആറ്റിങ്ങലിന്റെ ഹൃദ്യമായ വരികള്‍ കൊണ്ട് അലങ്കരിച്ച ഈ ഗാനം സംഗീതസംവിധായകന്‍ അഫ്സല്‍ യൂസഫ് രൂപകല്പന ചെയ്തു.പുതുമുഖങ്ങളായ നിഹാലും ഗോപിക ഗിരീഷുമാണ് ചിത്രത്തിലെ നായകനും നായികയും. പുതുമുഖങ്ങള്‍ക്ക് ഏറെ പ്രാധാന്യം നല്‍കിയിരിക്കുന്നത് എന്നതാണ് സിനിമയുടെ മറ്റൊരു പ്രത്യേകത.
മലയാള സിനിമയ്ക്ക് നല്‍ക്കുന്ന ക്രിസ്തുമസ് സമ്മാനം ,സൂപ്പര്‍ ഗാനം , എന്നിങ്ങനെയുള്ള ധാരാളം കമ്മന്റുകളാണ് സോഷ്യല്‍ മീഡിയയില്‍ ഈ വീഡിയോക്ക് താഴെ ആളുകള്‍ അഭിപ്രായപ്പെടുന്നത്.
Discussion about this post