യേറേവാൻ: ആഗോള ആയുധ വ്യാപാരത്തിൽ ഒരു പ്രധാനശക്തിയായി വളർന്നു കൊണ്ടിരിക്കുകയാണ് ഭാരതം എന്ന് അടിവരയിട്ടുകൊണ്ട് യൂറോപ്പ്യൻ രാജ്യമായ അർമേനിയയുമായി ഒരു സുപ്രധാന പ്രതിരോധ കരാറിന് അന്തിമരൂപം നൽകി ഭാരത് ഡൈനാമിക്സ് ലിമിറ്റഡ് അഥവാ ബിഡിഎൽ. ഇതിനെ തുടർന്ന് തിങ്കളാഴ്ച ഭാരത് ഡയനാമിക്സിന്റെ ഓഹരികൾ വലിയ ഉയരത്തിലെത്തിയിരിന്നു.
5,000 കോടി മുതൽ 6,000 കോടി രൂപ വരെ മൂല്യം വരുന്ന ആകാശ് എയർ ഡിഫൻസ് സിസ്റ്റവും 15 എ എ ഡി സിസ്റ്റങ്ങളും ആണ് ഭാരത് ഡയനാമിക്സ് ലിമിറ്റഡിൽ നിന്നും അർമേനിയ വാങ്ങുന്നത് എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.
301 എ ഡി യിൽ ക്രിസ്തുമതം സ്വീകരിച്ച അർമേനിയ ലോകത്തിലെ ആദ്യത്തെ ക്രിസ്തുമത രാജ്യം ആയാണ് കരുതപ്പെടുന്നത്. മുസ്ലിം രാജ്യമായ തുർക്കി തീവ്രമായ ശത്രുത കൊണ്ടുനടക്കുന്ന രാജ്യമാണ് അർമേനിയ ഏതാനും വർഷങ്ങൾക്ക് മുമ്പ് നടന്ന അർമേനിയ അസർ ബൈജാൻ യുദ്ധത്തിൽ അസർ ബൈജാനെ സഹായിച്ചുകൊണ്ട് തുർക്കി രംഗത്ത് വന്നിരുന്നു. അന്ന് തുർക്കിയുടെ ആളില്ല ഡ്രോണുകൾ അർമേനിയൻ സൈന്യത്തിന് വലിയ നാശനഷ്ടങ്ങൾ ഉണ്ടാക്കിയിരുന്നു
വരുന്ന നാലഞ്ച് വർഷങ്ങൾ കൊണ്ട് മാത്രമേ കരാറിന്റെ പൂർണവിവരങ്ങൾ പൂർണ്ണമായും വെളിവാകുകയുള്ളുവെങ്കിലും ഇപ്പോൾ നടന്നിരുന്ന ഡീൽ ആഗോള പ്രതിരോധ വ്യാപാര രംഗത്ത് ഇന്ത്യയുടെ സ്ഥാനം അരക്കിട്ടുറപ്പിക്കുന്നതാണ്. അന്താരാഷ്ട്ര ആയുധ വിപണിയിൽ രാജ്യത്തിന്റെ വർദ്ധിച്ചുവരുന്ന സ്വാധീനത്തിന് സംഭാവന നൽകിക്കൊണ്ട് ഇന്ത്യൻ പ്രതിരോധ കമ്പനികൾ ശ്രദ്ധേയമായ കരാറുകൾ നേടിയിട്ടുണ്ട്.
ആകാശ് എയർ ഡിഫൻസ് സിസ്റ്റത്തിനായി ബിഡിഎല്ലുമായി ചർച്ച നടത്താൻ ഗൾഫ് രാജ്യമായ ഒമാനും താൽപ്പര്യം പ്രകടിപ്പിച്ചിട്ടുണ്ട്.
ഇന്ത്യയുടെ ആകാശ് എയർ ഡിഫൻസ് സിസ്റ്റം ഈ വിഭാഗത്തിലെ ഏറ്റവും മികച്ചവയിൽ ഒന്നായാണ് കരുതപ്പെടുന്നത്. ഒറ്റ ഫയറിങ്ങിൽ ഒരേസമയം നാല് ടാർഗെറ്റുകളെ വരെ തകർക്കാനുള്ള ക്ഷമത ആകാശ് മിസ്സൈലുകൾക്ക് ഉണ്ട്
