ഒരേ ദിവസം രണ്ട് വ്യത്യസ്ത വിമാനാപകടങ്ങളിൽ പെട്ട് ദമ്പതികൾ ; ഒടുവിൽ അത്ഭുതകരമായി തിരികെ ജീവിതത്തിലേക്ക്
ഒരേ ദിവസം രണ്ട് വ്യത്യസ്ത വിമാന അപകടങ്ങളിൽ അകപ്പെട്ട അത്ഭുതപ്പെടുത്തുന്ന കഥ പറയുകയാണ് സവോണയിലെ ദമ്പതികളായ സ്റ്റെഫാനോ പിറെല്ലിയും അന്റോണിയറ്റ ഡെമാസിയും.
30 കാരനായ സ്റ്റെഫാനോ പിറെല്ലിയും 22 വയസ്സുള്ള അന്റോണിയറ്റ ഡെമാസിയും സുഹൃത്തുക്കളോടൊപ്പം സവോണയിലേക്ക് രണ്ട് വ്യത്യസ്ത വിമാനങ്ങളിൽ യാത്രചെയ്യുകയായിരുന്നു. എന്നാൽ ലക്ഷ്യസ്ഥാനത്ത് എത്തുന്നതിന് മുമ്പേ രണ്ട് വ്യത്യസ്ത സ്ഥലങ്ങളിൽ വച്ച് ഈ രണ്ട് വിമാനങ്ങളും അപകടത്തിൽ പെടുകയും തകരുകയും ചെയ്തു.
സ്റ്റെഫാനോയുടെ വിമാനം അപകടത്തിൽപ്പെട്ട സ്ഥലത്തുനിന്നും 25 മൈൽ അകലെയുള്ള ബുസാനോയ്ക്ക് സമീപമാണ് അന്റോണിയറ്റയുടെ വിമാനം തകർന്നുവീണത്. അത്ഭുതകരമെന്നു പറയട്ടെ, സ്റ്റെഫാനോ ഒരു പോറൽ പോലും ഏൽക്കാതെ അപകടത്തിൽ നിന്നും രക്ഷപ്പെട്ടു. അന്റോണിയറ്റയ്ക്കും നിസാര പരിക്കുകൾ മാത്രമാണ് സംഭവിച്ചത്.
ക്രിസ്മസ് അവധിക്കാല ആഘോഷങ്ങൾക്കായി രണ്ടു ചെറു വിമാനങ്ങളിൽ ആയിരുന്നു ഇരുവരും പുറപ്പെട്ടിരുന്നത്. എന്നാൽ കനത്ത മുടൽ മഞ്ഞും ഇരുട്ടും ഉണ്ടായതോടെ വിമാനങ്ങൾ അപകടത്തിൽ പെടുകയായിരുന്നു. അപകടം നടന്ന ഉടനെ തന്നെ അഗ്നിശമനസേന അംഗങ്ങൾ സ്ഥലത്തെത്തി ഇരുവിമാനങ്ങളിലും ഉണ്ടായിരുന്ന യാത്രക്കാരെയും പൈലറ്റുകളെയും ആശുപത്രിയിലേക്ക് മാറ്റുകയായിരുന്നു.
Discussion about this post