വയനാട്:ചായക്കടയില് നിന്നും സിഗരറ്റും മിഠായികളും മോഷണം പോയതായി പരാതി. കല്പ്പറ്റയിലെ പഴയ ബസ്റ്റാന്ഡിന് സമീപത്തെ ചായകടയില് നിന്നാണ് 12,000 രൂപയുടെ സിഗരറ്റ് മോഷണം പോയത്. സിഗരറ്റിനോടൊപ്പം മിഠായികളും പലഹാരങ്ങളും മോഷണം പോയിട്ടുണ്ട്. നസൂര് എന്നയാളുടെ കടയിലാണ് മോഷണം നടന്നത്.
രാവിലെ കട തുറക്കാന് വന്നപ്പോഴാണ് സംഭവം കടക്കാരന് അറിയുന്നത്. കടയുടെ ഒരുഭാഗം പൊളിച്ചുമാറ്റിയ നിലയിലായിരുന്നു. തുടര്ന്ന് പരിശോധിച്ചപ്പോഴാണ് 12 ,000 രൂപയുടെ സിഗരറ്റും, 3000 രൂപയുടെ മിഠായിയും പലഹാരങ്ങളും പോയതറിയുന്നത്. എന്നാല് വേറെ സാധനങ്ങള് ഒന്നും തന്നെ മോഷണം പോയിട്ടില്ല.
അഞ്ച് വര്ഷമായി ഇവിടെ കട തുടങ്ങിയിട്ട്. ഇങ്ങനെയൊരു സംഭവം ആദ്യമാണെന്ന് കടക്കാരന് പറഞ്ഞു. ഇരുട്ടയാല് സാമൂഹ്യ വിരുദ്ധര് തമ്പടിക്കുന്നുവെന്ന് ആരോപണമുണ്ട്. അവരാണോ ഇത്ചെയ്ത്തത് എന്ന് പ്രദേസവാസികള്ക്ക് സംശയമുണ്ട്. നേരത്തെ ഇതുമായി പോലീസിനെ പരാതി അറിയിച്ചിട്ടുണ്ടായിരുന്നുവെന്നും എന്നാല് യാതൊരു പ്രയോജനവും ഉണ്ടായിട്ടില്ലാ എന്നാണ് നാട്ടുകാര് പറയുന്നത്. പ്രദേശത്ത് പോലീസ് കൂടുതല് ശ്രദ്ധ നല്കണമെന്ന് കച്ചവടക്കാര് ആവശ്യപ്പെട്ടു.
പ്രദേശത്തെക്കുറിച്ച് വ്യക്തമായി അറിയാവുന്ന ആളാണ് സംഭവത്തിന് പിന്നിലെന്നാണ് പോലീസ് പറയുന്നത്.സിസിടിവി ദൃശ്യങ്ങള് പരിശോധിച്ച് മോഷ്ടാവിനെ കണ്ടെത്താനുള്ള ശ്രമത്തിലാണ് പോലീസ്.
Discussion about this post