ഡല്‍ഹി: പത്താന്‍കോട് വ്യോമതാവളത്തിലുണ്ടായ ഭീകരാക്രമണവുമായി ബന്ധപ്പെട്ട് എന്‍ഐഎ മൂന്നു കേസുകള്‍ രജിസ്റ്റര്‍ ചെയ്തു. പത്താന്‍കോട്ടിലെ പോലീസ് സ്റ്റേഷനില്‍ രജിസ്റ്റര്‍ ചെയ്ത കേസുകള്‍ പീന്നീട് എന്‍ഐഎയ്ക്കു കൈമാറുകയായിരുന്നു.
26/11 മുംബൈ ഭീകരാക്രമണത്തിനുശേഷമാണ് ഇതുമായി ബന്ധപ്പെട്ട കേസുകള്‍ എന്‍ഐഎയ്ക്കു കൈമാറിത്തുടങ്ങിയത്. ആക്രമണത്തിന്റെ ഉത്തരവാദിത്വം പാക്കിസ്ഥാന്‍ കേന്ദ്രീകരിച്ചുള്ള 13 സംഘടനകളുടെ കൂട്ടമായ യുണൈറ്റഡ് ജിഹാദി കൗണ്‍സില്‍ ഏറ്റെടുത്തിരുന്നെങ്കിലും കേന്ദ്രസര്‍ക്കാര്‍ ഇത് തള്ളിയിരുന്നു.
പാക്കിസ്ഥാന്‍ കേന്ദ്രമാക്കി പ്രവര്‍ത്തിക്കുന്ന ജയ്ഷ് ഇ മുഹമ്മദ് ഭീകരസംഘടയാണ് ആക്രമണം നടത്തിയതെന്നാണ് ഇന്ത്യന്‍ സുരക്ഷാ ഏജന്‍സികള്‍ കരുതുന്നത്.
Discussion about this post