കൊല്ലം : ശബരിമല തീർത്ഥാടകർ സഞ്ചരിച്ചിരുന്ന വാഹനം അപകടത്തിൽപ്പെട്ട് നാലുപേർക്ക് പരിക്കേറ്റു. തീർത്ഥാടകർ സഞ്ചരിച്ചിരുന്ന വാഹനം തലകീഴായി മറിഞ്ഞാണ് അപകടമുണ്ടായത്. കൊല്ലം തെന്മല ഉറുകുന്നിലാണ് ശബരിമല തീർത്ഥാടകർ സഞ്ചരിച്ച വാഹനം അപകടത്തിൽപ്പെട്ടത്.
തമിഴ്നാട് സ്വദേശികളായ അയ്യപ്പ ഭക്തർ സഞ്ചരിച്ചിരുന്ന വാഹനമാണ് അപകടത്തിൽപ്പെട്ട് തലകീഴായി മറിഞ്ഞത്. ശബരിമല ദർശനം കഴിഞ്ഞ് തിരികെ മടങ്ങുന്ന വഴിയിലായിരുന്നു അപകടമുണ്ടായത്. നാലുപേർക്ക് പരിക്ക് ഏറ്റിട്ടുണ്ടെങ്കിലും ആരുടെയും പരിക്കുകൾ ഗുരുതരമല്ല.
മുന്നിൽ പോവുകയായിരുന്ന മറ്റൊരു വാഹനത്തെ മറികടക്കാൻ ശ്രമിക്കുന്നതിനിടയിൽ ആണ് അയ്യപ്പഭക്തർ സഞ്ചരിച്ചിരുന്ന വാഹനം അപകടത്തിൽപ്പെട്ടതെന്നാണ് വിവരം. ഓവർടേക്ക് ചെയ്യാൻ ശ്രമിക്കുന്നതിനിടെ വാഹനം മുൻപിലെ വാഹനത്തിൽ തട്ടി മറിയുകയായിരുന്നു. പരിക്കേറ്റവർ സമീപത്തെ ആശുപത്രിയിൽ ചികിത്സ തേടി.
