കോഴിക്കോട് : പ്രായപൂർത്തിയാകാത്ത ആൺകുട്ടിയെ പീഡിപ്പിച്ച കേസിലെ പ്രതിക്ക് 77 വർഷം തടവും പിഴയും ശിക്ഷ. കോഴിക്കോട് പോക്സോ കോടതിയാണ് ശിക്ഷ വിധിച്ചത്. 2021 ലാണ് കേസിനാസ്പദമായ സംഭവം നടക്കുന്നത്. താമരശ്ശേരി പോലീസ് ആയിരുന്നു കേസ് രജിസ്റ്റർ ചെയ്തിരുന്നത്.
പ്രായപൂർത്തിയാകാത്ത ആൺകുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ കക്കാട് സ്വദേശി ഷമീദിനാണ് കോഴിക്കോട് ബോക്സോ കോടതി 77 വർഷത്തെ തടവ് ശിക്ഷ വിധിച്ചത്. 2016 മുതൽ 2019 വരെയുള്ള കാലഘട്ടത്തിലാണ് ഇയാൾ പ്രായപൂർത്തി ആകാത്ത ആൺകുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയിരുന്നത്.
2021 ലാണ് കുട്ടി മാതാപിതാക്കളോട് വിവരം പറയുന്നത്. തുടർന്ന് കുട്ടിയുടെ മാതാപിതാക്കൾ താമരശ്ശേരി പോലീസ് സ്റ്റേഷനിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് ഷമീദ് പിടിയിലാകുന്നത്. 77 വർഷത്തെ തടവിനോടൊപ്പം മൂന്നര ലക്ഷം രൂപ പിഴയും ഇയാൾ അടക്കേണ്ടതുണ്ട്. കോഴിക്കോട് പോക്സോ കോടതി ജഡ്ജായ രാജീവ് ജയരാജ് ആണ് പ്രതിക്ക് ശിക്ഷ വിധിച്ചത്.
Discussion about this post