വാഷിംഗ്ടണ്‍: പ്രധാനമന്ത്രി നരേന്ദ്ര മോദി വീണ്ടും അധികാരത്തിലെത്തുന്നത് കാണാന്‍ അമേരിക്കന്‍ ജനത ആഗ്രഹിക്കുന്നുവെന്ന് പ്രമുഖ ഹോളിവുഡ് നടിയും ഗായികയുമായ മേരി മില്‍ബെന്‍ . ഇന്ത്യ-യുഎസ് തമ്മിലുള്ള ബന്ധം മികച്ച രീതിയില്‍ മുന്നോട്ട് കൊണ്ടു പോകാന്‍ ശ്രമിക്കുന്ന നേതാവാണ് അദ്ദേഹമെന്നും മേരി മില്‍ബെന്‍ പറഞ്ഞു.
‘അദ്ദേഹം വീണ്ടും തിരഞ്ഞെടുക്കപ്പെടുമെന്ന് ഞാന്‍ പ്രതീക്ഷിക്കുന്നു. ‘പ്രധാനമന്ത്രി വിജയിക്കാനുള്ള പാതയിലാണ് ഇപ്പോള്‍ സഞ്ചരിക്കുന്നത്. അദ്ദേഹം അധികാരത്തിലെത്തിയാല്‍ യുഎസ്-ഇന്ത്യ ബന്ധം കൂടുതല്‍ തലങ്ങളിലേക്ക് ശക്തിപ്പെടുത്താന്‍ കഴിയുമെന്നും’ മേരി മില്‍ബെന്‍ കൂട്ടിച്ചേര്‍ത്തു.
ഇന്ത്യയുടെ പുരോഗതിയുടെ നേതൃസ്ഥാനത്തേക്ക് സ്ത്രീകളെ എത്തിച്ചത് പ്രധാനമന്ത്രിയുടെ നേതൃത്വത്തിലാണ്. അതിന് ഉദാഹരണമാണ് രാഷ്ട്രപതി ദ്രൗപദി മുര്‍മു പ്രസിഡന്റ് സ്ഥാനത്ത് എത്തിയത്. കൂടുതല്‍ വനിതാ നേതാക്കളെ മുഖ്യധാരയിലേക്ക് കൊണ്ടുവന്നതും അദ്ദേഹത്തിന്റെ ശ്രമങ്ങളാണ്. ഇന്ത്യയെ വലിയ സാമ്പത്തിക ശക്തിയാക്കി മാറ്റാന്‍ പ്രധാനമന്ത്രി മോദി അസാധാരണമായ കാര്യങ്ങള്‍ ചെയ്തുവെന്നും അവര്‍ പറഞ്ഞു.
ഇന്ത്യയിലെ യുവ നേതാക്കളെ വളര്‍ത്തിയെടുക്കുന്നതിനുള്ള പ്രധാനമന്ത്രിയുടെ ശ്രമങ്ങള്‍ പ്രശംസീയമാണ്. അദ്ദേഹത്തിന്റെ ഈ നയങ്ങള്‍ അടുത്ത തലമുറയ്ക്ക് ഒരു മാതൃകയാണ് എന്ന് മേരി മില്‍ബെന്‍
കൂട്ടിച്ചേര്‍ത്തു.
Discussion about this post