ആലപ്പുഴ : അയോധ്യയിലെ രാമക്ഷേത്രത്തിന്റെ പ്രാണ പ്രതിഷ്ഠയോടനുബന്ധിച്ച് കണിച്ചുകുളങ്ങരയിലെ വസതിയിൽ ദീപോത്സവം തീർത്തിരിക്കുകയാണ് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. കുടുംബാംഗളോട് ഒന്നിച്ചാണ് അദ്ദേഹം ദീപങ്ങൾ തെളിയിച്ചത്. ദീപോത്സവം ഒരുക്കിയതിന്റെ ചിത്രങ്ങൾ വെള്ളാപ്പള്ളി നടേശൻ ഫേസ്ബുക്ക് പേജിലൂടെയാണ് പങ്കുവെച്ചത്.
ഉച്ചയ്ക്ക് രാമക്ഷേത്രത്തിന്റെ പ്രാണ പ്രതിഷ്ഠ നടക്കുന്ന സമയത്ത് വീട്ടിലെ പൂജാമുറിയിലും വെള്ളാപ്പള്ളി നടേശൻ ദീപം തെളിയിച്ചിരുന്നു. ഭാര്യ പ്രീതി നടേശനോടൊപ്പം ആയിരുന്നു പ്രാണ പ്രതിഷ്ഠയുടെ മുഹൂർത്തത്തിൽ വെള്ളാപ്പള്ളി നടേശൻ പൂജാമുറിയിൽ ദീപങ്ങൾ തെളിയിച്ചത്. “സരയൂതീരത്ത് അയോദ്ധ്യയിലെ രാമ ജന്മഭൂമിയിൽ നടന്ന പ്രാണപ്രതിഷ്ഠയുടെ പുണ്യം ഓരോ ഭവനങ്ങളിലേക്കും, ഓരോ ഹൃദയത്തിലേക്കും എത്തിടട്ടെ” എന്നാണ് ഫേസ്ബുക്കിൽ പങ്കുവെച്ച ഈ ചിത്രത്തോടൊപ്പം വെള്ളാപ്പള്ളി നടേശൻ കുറിച്ചിരുന്നത്.
രാമക്ഷേത്രത്തിന്റെ പ്രാണ പ്രതിഷ്ഠയോടനുബന്ധിച്ച് തിങ്കളാഴ്ച വൈകിട്ട് കേരളത്തിലെ നിരവധി ക്ഷേത്രങ്ങളിലും വീടുകളിലും ശ്രീരാമ ജ്യോതി തെളിയിച്ച് രണ്ടാം ദീപാവലി ആഘോഷിച്ചു. വിവിധ ക്ഷേത്രങ്ങളിൽ പ്രത്യേക പ്രാർത്ഥനകളും പൂജാചടങ്ങുകളും ഉണ്ടായിരുന്നു.
Discussion about this post