തിരുവനന്തപുരം: നിയമസഭയിൽ ഗവർണർ നയപ്രഖ്യാപന പ്രസംഗം വെട്ടിച്ചുരുക്കിയ സംഭവത്തിൽ പ്രതികരിച്ച് മുഖ്യമന്ത്രി പിണറായി വിജയൻ. ചട്ടപ്രകാരം നയപ്രഖ്യാപനം ആദ്യഭാഗവും അവസാന ഭാഗവും മാത്രം വായിച്ചാൽ മതി. ഗവർണർ പ്രസംഗിച്ചതിനെ അനുകൂലമായി കണ്ടാൽ മതി. അദ്ദേഹത്തിന് എന്തെങ്കിലും ആരോഗ്യ പ്രശ്നങ്ങൾ ഉണ്ടാകും. ഏറ്റുമുട്ടൽ വേണ്ടെന്നും മുഖ്യമന്ത്രി വ്യക്തമാക്കി.
ഗവർണറുടെ നടപടിയെ അനുകൂലിച്ചുള്ള നിലപാടിലാണ് ഇടതു നേതാക്കൾ. ഗവർണർക്ക് എന്തെങ്കിലും ആരോഗ്യ പ്രശ്നങ്ങൾ ഉണ്ടൊയെന്ന് അറിയില്ലല്ലോ. നയപ്രഖ്യാപനത്തിന്റെ അന്തസത്ത വായിച്ചിട്ടുണ്ട്. ചട്ടപ്രകാരം ഒരു വരി വായിച്ചാൽ പോലും നയപ്രഖ്യാപനത്തിന് സാധുതയുണ്ടെന്നും പി രാജീവ് വ്യക്തമാക്കി. ഗവർണർക്ക് ആരോഗ്യ പ്രശ്നങ്ങൾ ഉണ്ടാവാമെന്നാണ് വിഷയത്തിൽ സജി ചെറിയാനും പ്രതികരിച്ചത്. നടപടിയിൽ രാഷ്ട്രീയം കാണുന്നില്ലെന്നും സജി ചെറിയാൻ കൂട്ടിച്ചേർത്തു.
ഒരു മിനിറ്റ് 17 സെക്കന്റുകൾ കൊണ്ടാണ് നയപ്രഖ്യപന പ്രസംഗത്തിന്റെ അവസാനഭാഗം മാത്രം വായിച്ച് ഗവർണർ ചുമതല മാത്രം നിർവ്വഹിച്ച് മടങ്ങിയത്.
Discussion about this post