ലക്നൗ: രാമായണത്തിന്റെ പകർപ്പും ഭഗവാൻ ഹനുമാന്റെ ചിത്രവും കത്തിച്ച ഋഷി ദത്ത് മിശ്ര എന്നയാളെ പോലീസ് അറസ്റ്റ് ചെയ്തു ഉത്തർപ്രദേശ് ഷാജഹാൻപൂർ ജില്ലയിലാണ് സംഭവം.രാമചന്ദ്ര മിഷനിലെ സരായ് കൈയാൻ സ്വദേശിയാണ് പ്രതി. ആരുടെയെങ്കിലും പ്രേരണമൂലമാണോ ഇത് ചെയ്തതെന്ന് പോലീസ് അന്വേഷിച്ച് വരികയാണ്.
പ്രതി തന്റെ പ്രവൃത്തിയുടെ വീഡിയോ സോഷ്യൽ മീഡിയയിൽ അപ്ലോഡ് ചെയ്തിരുന്നു. തുടർന്നാണ് ഇയാളെ പോലീസ് അറസ്റ്റ് ചെയ്തത്. അയോദ്ധ്യയിലെ രാമക്ഷേത്രത്തിൽ രാംലല്ലയെ പ്രതിഷ്ഠിച്ച് ഒരു ദിവസത്തിന് ശേഷമാണ് ഞെട്ടിപ്പിക്കുന്ന സംഭവം.
അടുത്തിടെ സമാനമായ സംഭവങ്ങൾ റിപ്പോർട്ട് ചെയ്യപ്പെട്ടിരുന്നു. നുവരി 22 ന് ശ്രീരാമന്റെ ചിത്രം കത്തിച്ചതിന് ഒരു ഷാക്കിബ് അറസ്റ്റിലായി. വീട്ടിൽ ഹീറ്റർ സ്ഥാപിച്ച് ദൈവത്തിന്റെ ചിത്രം കത്തിക്കുകയും തന്റെ പ്രവൃത്തി ചിത്രീകരിക്കുകയും ചെയ്തു. ഇതിന് പിന്നാലെയാണ് ഇയാൾ വീഡിയോ സോഷ്യൽ മീഡിയയിൽ അപ്ലോഡ് ചെയ്തത്. തുടർന്ന്, വിഡിയോ വൈറലാവുകയും വലിയ കോളിളക്കമുണ്ടാക്കുകയും ചെയ്തു. വിവരം ലഭിച്ച് മണിക്കൂറുകൾക്കകം പോലീസ് ഷാക്കിബിനെ പിടികൂടി.
Discussion about this post