സമ്പദ് വ്യവസ്ഥയുടെ വളർച്ച എന്നാൽ വെറും ഉത്പന്നങ്ങൾ മാത്രമല്ല, ജി ഡി പി യെ പുനർ നിർവചിച്ച് ധനമന്ത്രി

ന്യൂഡൽഹി: രാജ്യത്തിൻറെ സമ്പദ് വ്യവസ്ഥയുടെ വളർച്ച എന്ന് പറയുമ്പോൾ അത് വെറും ഉത്പന്നങ്ങളിലും സേവനങ്ങളിലും ഒതുക്കാൻ കഴിയില്ല എന്ന് ധനമന്ത്രി നിർമല സീതാരാമൻ. ഇടക്കാല ബജറ്റ് അവതരിപ്പിക്കുമ്പോഴാണ് വളരെ ശ്രദ്ദേയമായ പരാമർശം ധനമന്ത്രി നടത്തിയത്. വെറും സമ്പത്തിന്റെ അടിസ്ഥാനത്തിൽ ഒരു രാജ്യത്തിൻറെ വളർച്ച നോക്കി കാണുന്നതിൽ അർത്ഥമില്ല ഞങ്ങളെ സംബന്ധിച്ചിടത്തോളം ജി ഡി പി എന്നതിന് കുറച്ചു കൂടി സമഗ്രമായ അർത്ഥമുണ്ട് എന്ന് ധനമന്ത്രി വ്യക്തമാക്കി

ഗ്രോസ് ഡൊമസ്റ്റിക് പ്രോഡക്റ്റ് അഥവാ ഒരു രാജ്യത്തിൻറെ മൊത്തം വാർഷിക ഉത്പാദനം എന്നാണ് ജി ഡി പി കൊണ്ട് പൊതുവെ അർത്ഥമാക്കുന്നത് എന്നാൽ നരേന്ദ്ര മോദിയുടെ നേതൃത്വത്തിലുള്ള ബി ജെ പി സർക്കാരിന് ജി ഡി പി എന്നാൽ വെറും ഉത്പന്നങ്ങളുടെ അളവ് മാത്രം അല്ലെന്നും, മറിച്ച് ജി ഡി പി എന്നാൽ ഞങ്ങൾ കാണുന്നത് ഗവർണൻസ് (നല്ല ഭരണം ) ഡെവലപ്മെന്റ് ( വികസനം ) പിന്നെ പെർഫോമൻസ് ( ജനങ്ങൾ ആഗ്രഹിക്കുന്ന രീതിയിലുള്ള സർക്കാരിന്റെ പ്രകടനം) എന്നിവയാണെന്ന് നിർമല സീതാരാമൻ വ്യക്തമാക്കി

ഇത്തരത്തിലുള്ള കൂടുതൽ സമഗ്രമായ ജി ഡി പി യിലാണ് സർക്കാർ ശ്രദ്ധ കേന്ദ്രീകരിക്കുന്നത് 2024 ഇടക്കാല ബജറ്റ് അവതരിപ്പിച്ചു കൊണ്ട് നിർമലാ സീതാരാമൻ പറഞ്ഞു