പ്രണയിതാക്കൾ കാത്തിരിക്കുന്ന ദിനമാണ് വാലന്റൈൻസ് ഡേ. ഫെബ്രുവരി 14 ന് മുൻപ് തന്നെ റോസ് ഡേയായും ചോക്ലേറ്റ് ഡേയായും ഒക്കെ ആഘോഷങ്ങൾ ആരംഭിക്കും. ഈ സമയം സിംഗിൾസിന്റെ കാര്യമാണ് കഷ്ടം ഈ ആഘോഷങ്ങളൊക്കെയും കണ്ട് നെടുവീർപ്പിടാനേ സാധിക്കൂ.
ഇപ്പോഴിതാ തന്റെ സിംഗിളായ കഴുതയ്ക്ക് വേണ്ടി വാലന്റൈൻസ് ഡേയിലേക്ക് ഒരു മികച്ച കൂട്ടിനെ തിരയുകയാണ് ഉടമ. അവന്റെ ഏറ്റവും അടുത്ത കൂട്ടുകാരിയായ ഒരു ആട് ചത്തുപോയതിന് പിന്നാലെയാണത്രെ കഴുത ഒറ്റപ്പെട്ടു പോയത്.
ലെസ്റ്റർഷെയറിലെ ബിറ്റ്സ്വെല്ലിലുള്ള ഈ കഴുതയുടെ പേര് ഹരോൾഡ് എന്നാണ്. അവന്റെ അടുത്ത കൂട്ടായിരുന്നു ബില്ലി എന്ന ആട്. എന്നാൽ, ക്രിസ്മസിന് ബില്ലി ചത്തുപോയി. അതോടെയാണ് ഹാരോൾഡ് ആകെ ഒറ്റപ്പെട്ടുപോയത് എന്നാണ് ഉടമയായ ഡോട്ട് സ്മിത്ത് പറയുന്നത്. ഹാരോൾഡും ബില്ലിയും വലിയ സുഹൃത്തുക്കളായിരുന്നു. എന്നാൽ, ബില്ലി പോയതോടെ ഹാരോൾഡ് ആകെ വിഷാദത്തിലായി. അവനെപ്പോഴും ബില്ലിയെ പാർപ്പിച്ചിരുന്ന കൂട്ടിനടുത്തെത്തും, അതിലേക്ക് നോക്കി കുറേ നേരം ചെലവഴിക്കും എന്നും സ്മിത്ത് പറയുന്നു.
സ്മിത്തും ഭർത്താവും കുറച്ചായി അവന് ഒരു കൂട്ടിനെ തിരയുകയാണ്. ഒരു പെൺ ആടിനെയാണ് ഹാരോൾഡിന് കൂട്ടായി അവർ തിരയുന്നത്.
Discussion about this post