വിവാഹത്തിന് മുൻപ് വരനോ വധുവോ ഒളിച്ചോടുന്ന സംഭവങ്ങൾ പലയിടങ്ങളിലും കണ്ടിട്ടുണ്ടാകും. എന്നാൽ, വരനും വധുവും കൂടി ഒളിച്ചോടുന്നത് ചിലപ്പോൾ ആദ്യത്തെ സംഭവമാകും. അതും, രാത്രിയിൽ വിവാഹവേഷത്തിൽ സ്കൂട്ടറിൽ.
ബനാറസിൽ നടന്ന അത്തരത്തിലൊരു സംഭവത്തിന്റെ വീഡിയോ ആണ് ഇപ്പോൾ വൈറൽ ആയിരിക്കുന്നത്. ‘ബനാറസിൽ എന്തും നടക്കും’ എന്ന കാപ്ഷനോടെയാണ് വീഡിയോ സമൂഹമാദ്ധ്യമങ്ങളിലൂടെ പ്രചരിച്ചിരിക്കുന്നത്.
ഇരുവരും ഒളിച്ചോടാനുള്ള കാരണം സ്ത്രീധനം ആണെന്ന് മനസിലാക്കിയതോടെ വധൂവരന്മാർക്ക് കട്ട സപ്പോറട്ടാണ് സൈബർ ലോകം നൽകുന്നത്. നിരവധി ദേശീയ മാദ്ധ്യമങ്ങൾ വാർത്ത റിപ്പോർട്ട് ചെയ്തിട്ടുണ്ട്. സ്ത്രീധനത്തിന്റെ പേരിൽ വരന്റെ കുടുംബം വിവാഹം ഒഴിവാക്കാൻ ശ്രമിച്ചതോടെയാണ് ഒളിച്ചോടാമെന്ന തീരുമാനത്തിലേക്ക് ഇരുവരും എത്തിയത്. ഇതോെട സ്ത്രീധനത്തെക്കുറിച്ചുള്ള ചർച്ചകൾ വീണ്ടും സമൂഹമാദ്ധ്യമങ്ങളിൽ ഉയർന്നിട്ടുണ്ട്.
നിരവധി പേരാണ് വധൂവരന്മാർക്ക് ആശംസകൾ നേർന്നുകൊണ്ട് എത്തിയിരിക്കുന്നത്. വീട്ടുകാരുടെ വാക്ക് കേൾക്കാതെ് സ്വന്തം ഇഷ്ടത്തിന് കാര്യങ്ങൾ ചെയ്ത യുവാവിന് കമന്റ് ബോക്സിൽ അഭിനന്ദനപ്രവാഹമാണ്. പലരും ഇന്ന് വീട്ടുകാരുടെ വാക്ക് കേട്ട് സ്ത്രീധനത്തിന്റെ പേരിൽ സ്നേഹിക്കുന്ന പെൺകുട്ടികളെ ഉപേക്ഷിക്കുന്നുണ്ട്. അവരെല്ലാം ഈ യുവാവിനെ കണ്ട് പഠിക്കണണമെന്നും പലരും കമന്റ് ഇട്ടിട്ടുണ്ട്.
Discussion about this post