ജമ്മു: നരേന്ദ്ര മോദി എന്റെ കൂടെ പ്രധാനമന്ത്രി ആണെന്നും അദ്ദേഹത്തിന്റെ കാഴ്ചപ്പാടുകൾ വളരെ വിശാലമാണെന്നും വ്യക്തമാക്കി ജമ്മു കശ്മീർ മുൻ ഉപമുഖ്യമന്ത്രി മുസാഫിർ ബെയ്ഗ്. ഇതോടു കൂടി പി ഡി പി യുടെ സ്ഥാപക നേതാവും ജമ്മു കശ്മീർ രാഷ്ട്രീയത്തിലെ അതികായനുമായ മുസാഫിർ ബെയ്ഗ് ബി ജെ പി യിൽ ചേരുമെന്ന അഭ്യൂഹങ്ങൾ ശക്തിയാർജ്ജിച്ചിരിക്കുകയാണ്.
മുസാഫർ ഹുസൈൻ ബെയ്ഗ് ഇന്ന് ജമ്മുവിൽ പ്രധാനമന്ത്രി മോദിയുടെ റാലിയിൽ പങ്കെടുത്തത് എല്ലാവരേയും അത്ഭുതപ്പെടുത്തിയിരുന്നു. താങ്കൾ എന്ത് കൊണ്ടാണ് ഈ പ്രധാനമന്ത്രിയുടെ ഈ സമ്മേളനത്തിൽ പങ്കെടുത്തത് എന്ന് മാദ്ധ്യമ പ്രവർത്തകർ ചോദിച്ചപ്പോൾ ” എന്ത് കൊണ്ട് പങ്കെടുത്തു കൂടാ ? അദ്ദേഹം എന്റെ പ്രധാനമന്ത്രിയാണ്” എന്നാണ് ബെയ്ഗ് മറുപടി കൊടുത്തത്. അദ്ദേഹം ഞങ്ങളുടെ നേതാവാണ്, മുഴുവൻ രാജ്യത്തിന്റെയും.ഈ റാലിയിൽ എല്ലാ പാർട്ടികളും പങ്കെടുക്കേണ്ടതായിരിന്നു, അദ്ദേഹം കൊണ്ട് വരുന്ന പദ്ധതികൾ നിസാരമല്ല, അദ്ദേഹത്തിന്റെ കാഴ്ചപ്പാടുകളും വളരെ വലുതാണ്, നിങ്ങൾ ബി ജെ പി യാണോ, കോൺഗ്രസ് ആണോ, ഹുറിയത്ത് ആണോ, പി ഡി പി ആണോ എന്നൊന്നും അദ്ദേഹം നോക്കില്ല. അദ്ദേഹത്തിന്റെ കാഴ്ചപ്പാടുകൾ അത് എല്ലാവര്ക്കും വേണ്ടിയുള്ളതാണ് ബൈഗ് പറഞ്ഞു
ഈയിടെ പീപ്പിൾസ് ഡെമോക്രാറ്റിക് പാർട്ടിയിൽ (പിഡിപി) വീണ്ടും ചേർന്ന മുൻ ഉപമുഖ്യമന്ത്രി മുസാഫർ ഹുസൈൻ ബെയ്ഗ് ചൊവ്വാഴ്ച പ്രധാനമന്ത്രി നരേന്ദ്ര മോദിയെ പ്രശംസിക്കുകയും അദ്ദേഹത്തിൻ്റെ ഭരണത്തിന് കീഴിൽ രാജ്യത്തെ ജനങ്ങളുടെ ജീവിതം മാറിയെന്നും വ്യക്തമാക്കിയിരുന്നു. ഇന്ന് റാലിയിൽ കൂടെ പങ്കെടുത്ത് മോദിയെ കുറിച്ചുള്ള അദ്ദേഹത്തിന്റെ കാഴ്ചപ്പാടുകൾ പങ്കു വച്ചതിലൂടെ ബെയ്ഗ് ബി ജെ പി യിൽ ചേരും എന്ന് ഏതാണ്ട് ഉറപ്പാണ് എന്ന തരത്തിലാണ് വിലയിരുത്തലുകൾ വരുന്നത്
പ്രധാനമന്ത്രി മോദിയുടെ റാലിയിൽ പങ്കെടുത്ത ബെയ്ഗ് പറഞ്ഞു, “അദ്ദേഹത്തിൻ്റെ പ്രസംഗം ഒരു മാസ്റ്റർപീസ് ആയിരുന്നു. ഇന്ന് അദ്ദേഹം വികസനത്തെക്കുറിച്ച് വിശദമായി സംസാരിച്ചു. ആളുകൾ അതിൽ നിന്ന് പ്രയോജനം നേടുന്നു, അവരുടെ ജീവിതം മാറുകയാണ്. വർഷങ്ങളായി ഇരുട്ടിൽ കിടന്നിരുന്ന വിദൂര പ്രദേശങ്ങളിൽ വൈദ്യുതി എത്തിയിട്ടുണ്ടെന്നും വെള്ളമോ റോഡോ ഇല്ലാത്ത സ്ഥലങ്ങളിൽ ഇപ്പോൾ രണ്ടും ഉണ്ടെന്നും പിഡിപി നേതാവ് പറഞ്ഞു. വിദൂര പ്രദേശങ്ങളിൽ ആശുപത്രികൾ സ്ഥാപിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
“ഞാൻ ഒരു ഗ്രാമത്തിൽ നിന്നുള്ള ആളാണ്, ചുറ്റുമുള്ള വികസനത്തിന് ഞാൻ സാക്ഷ്യം വഹിക്കുന്നു,” അദ്ദേഹം പറഞ്ഞു.
Discussion about this post