ലണ്ടൻ : യുകെ പാർലമെന്റിൽ ജമ്മു കശ്മീർ പ്രമേയ ദിനമായ സങ്കൽപ് ദിവസ് ആചരിച്ചു. ജമ്മു കശ്മീരിലെ മുഴുവൻ പ്രദേശവും രാജ്യത്തിൻ്റെ അവിഭാജ്യ ഘടകമാണെന്ന ഇന്ത്യയുടെ നിലപാട് ആവർത്തിച്ച് 1994 ഫെബ്രുവരി 22-ന് ഇന്ത്യൻ പാർലമെൻ്റിൻ്റെ ഇരുസഭകളും പാസാക്കിയ ഏകകണ്ഠമായ പ്രമേയത്തെയാണ് ഈ ദിനം സൂചിപ്പിക്കുന്നത്.
ജമ്മുകശ്മീർ മേഖലയെ കുറിച്ചുള്ള ഗവേഷണങ്ങൾ നടത്തുന്ന ജമ്മു ആൻഡ് കശ്മീർ സ്റ്റഡി സെൻ്റർ യുകെ ആണ് സങ്കൽപ് ദിവസ് ആചരണം സംഘടിപ്പിച്ചത്. ബ്രിട്ടീഷ് പാർലമെൻ്റ് അംഗങ്ങൾ, പ്രാദേശിക കൗൺസിലർമാർ, കമ്മ്യൂണിറ്റി നേതാക്കൾ എന്നിവർ പാർലമെന്റിൽ സംഘടിപ്പിച്ച പരിപാടിയിൽ പങ്കെടുത്തു.
യുകെ പാർലമെന്റ് സംഘടിപ്പിച്ച ജമ്മു കാശ്മീർ സങ്കൽപ് ദിവസ് ആചരണത്തിൽ കൺസർവേറ്റീവ് പാർട്ടി എംപിമാരായ ബോബ് ബ്ലാക്ക്മാൻ, തെരേസ വില്ലിയേഴ്സ്, ലേബർ പാർട്ടിയുടെ വീരേന്ദ്ര ശർമ്മ എന്നീ നേതാക്കളും പങ്കെടുത്തു. പ്രമുഖ കാശ്മീരി ആക്ടിവിസ്റ്റ് ആയ മാദ്ധ്യമപ്രവർത്തക യാന മിറിലിന് ഡൈവേഴ്സിറ്റി അംബാസഡർ അവാർഡ് നൽകി ചടങ്ങിൽ ആദരിച്ചു. ആർട്ടിക്കിൾ 370 റദ്ദാക്കിയതിനുശേഷം ജമ്മു കശ്മീരിൽ ഉണ്ടായ വികസന പ്രവർത്തനങ്ങളെ ചടങ്ങിൽ അനുമോദിച്ചു.
Discussion about this post