റായ്പൂർ : ഛത്തീസ്ഗഡിൽ ഗ്രാമീണരെ കമ്മ്യൂണിസ്റ്റ് ഭീകരർ കൊല്ലപ്പെടുത്തി . സുഖ്മ ജില്ലയില്ലാണ് സംഭവം. കാഹേർ ദുലേദ് സ്വദേശികളായ സോഡി ഹംഗ, മാധ്വി നന്ദ എന്നിവരാണ് കൊല്ലപ്പെട്ടത്. വെള്ളിയാഴ്ച രാവിലെ ഗ്രാമത്തിനു പുറത്ത് മൃതദേഹങ്ങൾ കണ്ടെത്തുകയായിരുന്നു. പോലീസിന് വിവരം ചോർത്തി നൽകിയെന്ന് ആരോപിച്ചാണ് രണ്ട് ഗ്രാമവാസികളെ കമ്മ്യൂണിസ്റ്റ് ഭീകരർ കൊലപ്പെടുത്തിയത്.
സംഭവസ്ഥലത്ത് പോലീസിന്റെ പരിശോധന നടന്നുവരികയാണ്. കമ്മ്യൂണിസ്റ്റ് ഭീകരർക്ക് അവരുടെ സ്ഥലങ്ങളിൽ നിന്ന് സ്വാധീനം നഷ്ടപ്പെടുന്നതിന്റെ തെളിവാണ് ആക്രമണം എന്ന് പോലീസ് പറഞ്ഞു. വിശദമായ അന്വേഷണം ആരംഭിച്ചു. കമ്മ്യൂണിസ്റ്റ് ഭീകരരുടെ സംഘടനയായ പീപ്പിൾസ് ലിബറേഷൻ ഗറില്ല കൊലപാതകങ്ങളുടെ ഉത്തരവാദിത്തം ഏറ്റെടുത്തിട്ടുണ്ട് എന്നും പോലീസ് പറഞ്ഞു.
Discussion about this post