മോഹൻലാൽ ആദ്യമായി സംവിധാനം ചെയ്യുന്ന ചിത്രമെന്ന രീതിയിൽ ജനശ്രദ്ധ നേടിയതാണ് ബറോസ് . മോഹൻലാൽ തന്നെയാണ് ചിത്രത്തിൽ ബറോസായി (നായകനായി )എത്തുന്നത്. മാർച്ച് 28ന് ചിത്രം തിയേറ്ററുകളിലെത്തുമെന്നായിരുന്നു റിപ്പോർട്ടുകൾ . എന്നാൽ പോസ്റ്റ് പ്രൊഡക്ഷൻ വർക്കുകൾ അവസാനിക്കാത്തതിനാൽ ചിത്രത്തിൻ്റെ റിലീസ് നീളുമെന്നാണ് ഇപ്പോഴത്തെ വിവരം. മെയ് ആറിനായിരിക്കും ചിത്രം പ്രദർശനത്തിന് എത്തുക .
ആരാധക ലോകത്ത് വൻ പ്രതീക്ഷയാണ് ചിത്രത്തിന്. 2019 ഏപ്രിലിൽ പ്രഖ്യാപിക്കപ്പെട്ട ബറോസ് ചിത്രത്തിൻറെ ഒഫിഷ്യൽ ലോഞ്ച് 2021 മാർച്ച് 24ന് ആയിരുന്നു. ചിത്രത്തിൻറ പോസ്റ്റ് പ്രൊഡക്ഷൻ ജോലികൾ ഹോളിവുഡിൽ നടക്കുകയാണ് എന്നാണ് റിപ്പോർട്ട്. ബറോസ് ഒരു ത്രിഡി ചിത്രമായി പ്രദർശനത്തിന് എത്തുക എന്നത് ആരാധകർക്ക് കൂടുതൽ കൗതുകമായിരിക്കുകയാണ്.
ചിത്രം ഒരുങ്ങുന്നത് ജിജോ പുന്നൂസ് എഴുതിയ ബറോസ്: ഗാർഡിയൻ ഓഫ് ദ ഗാമാസ് ട്രെഷർ എന്ന നോവലിനെ ആസ്പദമാക്കി. ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ ആണ് ചിത്രത്തിൻ്റെ നിർമ്മാണം. ബറോസിൽ പ്രണവ് മോഹൻലാലും അതിഥി വേഷത്തിൽ എത്തുന്നുണ്ട്. ബോളിവുഡ് താരങ്ങളും ചിത്രത്തിൽ പ്രധാന വേഷത്തിലെത്തുന്നു. സ്പാനിഷ് നടി പാസ് വേഗ,സ്പാനിഷ് നടൻ റഫേൽ അമാർഗോ തുടങ്ങിയവരാണ് ചിത്രത്തിൽ മറ്റ് പ്രധാന വേഷങ്ങളിൽ എത്തുന്നത്.
Discussion about this post