കൊൽക്കൊത്ത: ഭൂമി തട്ടിപ്പ് സന്ദേശഖാലി കൂട്ടബലാത്സംഗം തുടങ്ങിയ കേസുകളിൽ ഒളിവിലായിരുന്ന തൃണമൂൽ കോൺഗ്രസ് നേതാവ് ഷെയ്ഖ് ഷാജഹാനെ അറസ്റ്റ് ചെയ്ത് ബംഗാൾ പോലീസ്. നോർത്ത് 24 പർഗാനാസ് ജില്ലയിലെ മിനാഖാനിൽ നിന്നാണ് ഷാജഹാനെ അറസ്റ്റ് ചെയ്തതെന്ന് മിനാഖാൻ എസ്ഡിപിഒ അമിനുൽ ഇസ്ലാം ഖാൻ പറഞ്ഞു.ഇയാളെ ഇന്ന് ഉച്ചയ്ക്ക് രണ്ട് മണിക്ക് ബസിർഹത്ത് കോടതിയിൽ ഹാജരാക്കും,” എസ്ഡിപിഒ കൂട്ടിച്ചേർത്തു.
ഷെയ്ഖ് ഷാജഹാനെ സന്ദേശ്ഖാലി കേസിൽ ഉൾപ്പെടുത്താൻ കൽക്കട്ട ഹൈക്കോടതി ചീഫ് ജസ്റ്റിസ് ഉത്തരവിട്ടതിന് മൂന്ന് ദിവസത്തിന് ശേഷമാണ് അറസ്റ്റ്. “ഷാജഹാൻ ഷെയ്‌ഖിനെ അറസ്റ്റ് ചെയ്യാതിരിക്കാൻ ഒരു കാരണവുമില്ല എന്നും അതിനാൽ അദ്ദേഹത്തെ അറസ്റ്റ് ചെയ്യാൻ നോടീസ് പുറപ്പെടുവിക്കണമെന്നും ഫെബ്രുവരി 26 ന് കൽക്കട്ട ഹൈക്കോടതി ജസ്റ്റിസ് ഉത്തരവിട്ടിരുന്നു.
ഷാജഹാൻ ഷെയ്ഖും അദ്ദേഹത്തിൻ്റെ അടുത്ത സഹായികളും ഭൂമി തട്ടിയെടുക്കലും ലൈംഗികാതിക്രത്തിലും ഉൾപ്പെട്ടിട്ടുണ്ട് എന്ന് ആരോപിച്ച് സന്ദേശ്ഖാലിയിലെ സ്ത്രീകൾ ആഴ്ചകളായി പ്രക്ഷോഭത്തിലാണ് .ഒരു മാസത്തിലേറെയായി സംസ്ഥാന, കേന്ദ്ര ഏജൻസികളുടെ അറസ്റ്റിൽ നിന്ന് ഷാജഹാൻ ഷെയ്ഖ് ഒളിച്ചു കഴിയുകയായിരുന്നു . ഇതിനിടെ സംസ്ഥാന ഏജൻസികൾ ഷാജഹാൻ ഷെയ്‌ഖിനെ സംരക്ഷിക്കുകയാണ് എന്ന് കാണിച്ച് ബി ജെ പി വലിയ പ്രതിഷേധങ്ങൾ ആണ് നടത്തി വരുന്നത്
