തൃശ്ശൂർ : പൂക്കോട് വെറ്റിനറി കോളേജ് വിദ്യാർത്ഥിയായിരുന്ന സിദ്ധാർത്ഥിന്റെ മരണത്തിൽ പ്രതിഷേധം ശക്തമാകുന്നു. തൃശ്ശൂരിൽ എബിവിപി പ്രവർത്തകർ ഈ വിഷയവുമായി ബന്ധപ്പെട്ട് പ്രതിഷേധം സംഘടിപ്പിച്ചു. എസ്എഫ്ഐയുടെ കോലം കത്തിച്ചാണ് എബിവിപി പ്രവർത്തകർ പ്രതിഷേധിച്ചത്.
വെറ്റിനറി സർവകലാശാലയിൽ റാഗിങ്ങിനെത്തുടർന്ന് ക്രൂരമർദ്ദനത്തിന് ഇരയായി വിദ്യാർത്ഥി ആത്മഹത്യ ചെയ്ത സംഭവത്തിൽ കുറ്റക്കാരായവരെ അറസ്റ്റ് ചെയ്യണമെന്ന് എബിവിപി തൃശ്ശൂർ ജില്ല കമ്മിറ്റി ആവശ്യപ്പെട്ടു. എബിവിപി തൃശ്ശൂർ ജില്ല കമ്മിറ്റിയുടെ നേതൃത്വത്തിൽ പ്രതീകാത്മകമായി എസ് എഫ് ഐ യുടെ കോലം കത്തിച്ച് പ്രതിഷേധിച്ചു.
തൃശ്ശൂർ മുനിസിപ്പൽ കോർപ്പറേഷന് മുൻപിൽ വച്ചാണ് എബിവിപി പ്രവർത്തകർ എസ്എഫ്ഐയുടെ കോലം കത്തിച്ച് പ്രതിഷേധിച്ചത്.
പ്രതിഷേധ യോഗം എബിവിപി സംസ്ഥാന ജോയിന്റ് സെക്രട്ടറി എസ് അക്ഷയ് ഉദ്ഘാടനം ചെയ്തു. എബിവിപി പ്രവർത്തകരായ
ആദിത്യൻ, യദു കൃഷ്ണൻ, മന്യ എന്നിവരും പ്രതിഷേധത്തിന് നേതൃത്വം നൽകി.
Discussion about this post