ന്യൂഡൽഹി: ലക്ഷദ്വീപിൽ പുതിയ ആസ്ഥാനം സ്ഥാപിക്കാൻ നാവിക സേന. ഐഎൻഎസ് ജഡായു കമ്മീഷൻ ചെയ്യും. ഇതിനായുള്ള തയ്യാറെടുപ്പുകൾ ആരംഭിച്ചതായി നാവിക സേന വ്യക്തമാക്കി.
ലക്ഷദ്വീപിലെ മിനിക്കോയ് ദ്വീപിലാണ് ഐഎൻഎസ് ജഡായു കമ്മീഷൻ ചെയ്യുന്നത്. അടുത്ത ആഴ്ചയാകും കമ്മീഷൻ. നാവിക സേന അംഗങ്ങളെയും ഇവിടെ വിന്യസിയ്ക്കും. ക്രമേണ ഇവിടുത്തെ ആസ്ഥാനം കൂടുതൽ ശക്തിപ്പെടുത്താനാണ് നാവിക സേനയുടെ നീക്കം.
ഇന്ത്യൻ മഹാസമുദ്ര മേഖലയുടെ സുരക്ഷ ശക്തമാക്കുന്നതിന് വേണ്ടിയാണ് ഐഎൻഎസ് ജടായു കമ്മീഷൻ ചെയ്യുന്നത്. അടുത്തിടെ ഇന്ത്യൻ മഹാസമുദ്ര മേഖലയിൽ സ്വാധീനം ശക്തിപ്പെടുത്താൻ ചൈന നീക്കങ്ങൾ ആരംഭിച്ചിരുന്നു. ഇതിന്റെ ഭാഗമായി അടുത്തിടെ മാലിയിലേക്ക് ചൈന കപ്പൽ അയച്ചിരുന്നു. ഇതിന് പിന്നാലെയാണ് ലക്ഷദ്വീപിൽ നാവിക ആസ്ഥാനം സജ്ജമാക്കുന്നത്.
ഇന്ത്യൻ മഹാസമുദ്രത്തിന് പുറമേ അറബിക്കടലിലും സുരക്ഷയൊരുക്കാൻ ഐഎൻഎസ് ജടായുവിന് കഴിയും. നിലവിൽ ലക്ഷദ്വീപിന് സമീപത്ത് നിന്നും ഐഎൻഎസ് വിക്രമാദിത്യ, ഐഎൻഎസ് വിക്രാന്ത് എന്നിവയിൽ നിന്നുള്ള യുദ്ധ വിമാനങ്ങൾ സുരക്ഷയൊരുക്കുന്നുണ്ട്.
Discussion about this post