തൃശ്ശൂർ : എബിവിപി തൃശ്ശൂർ ജില്ല വിദ്യാർത്ഥി സമ്മേളനം സംഘടിപ്പിച്ചു. സാഹിത്യ അക്കാദമിയിൽ നടന്ന സമ്മേളനം എബിവിപി സംസ്ഥാന സെക്രട്ടറി ഇ യു ഈശ്വരപ്രസാദ് ഉദ്ഘാടനം ചെയ്തു. സംസ്ഥാന പ്രവർത്തക സമിതി അംഗം എം പി യദുകൃഷ്ണൻ അദ്ധ്യക്ഷത വഹിച്ച യോഗത്തിൽ ജില്ല സെക്രട്ടറി എസ് അക്ഷയ് സ്വാഗതം പറഞ്ഞു.
വെറ്റിനറി സർവകലാശാലയിലെ വിദ്യാർത്ഥിയുടെ മരണത്തിന് കാരണക്കാരായ മുഴുവൻ പ്രതികളെയും ഉടൻ അറസ്റ്റ് ചെയ്യണമെന്നും, കേരളത്തിലെ കലാലയങ്ങളിൽ നിന്ന് എസ് എഫ് ഐ യെ ഒറ്റപ്പെടുത്തണമെന്നും എബിവിപി സംസ്ഥാന സെക്രട്ടറി ആവശ്യപ്പെട്ടു.
സംസ്ഥാന വൈസ് പ്രസിഡന്റ് വി യു ശ്രീകാന്ത് മാസ്റ്റർ . ജില്ല സെക്രട്ടറി എസ് അക്ഷയ് എന്നിവർ വിഷയാവതരണം നടത്തി.
സമാപനയോഗത്തിൽ വിഭാഗ് സംഘടനാ സെക്രട്ടറി കെ എം വിഷ്ണു സംസാരിച്ചു. വിവിധ കലാലയങ്ങളിൽ നിന്നും 100 ൽ അധികം വിദ്യാർത്ഥികൾ സമ്മേളനത്തിൽ പങ്കെടുത്തു.
