ന്യൂഡൽഹി; വരാനിരിക്കുന്ന ലോക്‌സഭാ തിരഞ്ഞെടുപ്പിൽ രാഹുൽ ഗാന്ധി അമേഠിയിലും വയനാട്ടിലും മത്സരിക്കുമെന്ന് വിവരം. പ്രിയങ്ക വാദ്ര, സോണിയഗാന്ധിയുടെ സിറ്റിംഗ് സീറ്റായിരുന്ന റായ്ബറേലിയിലും മത്സരിച്ചേക്കും. റായ്ബറേലി എംപി ആയിരുന്ന സോണിയഗാന്ധി കഴിഞ്ഞമാസം രാജ്യസഭയിലേക്ക് മാറിയിരുന്നു. രാജസ്ഥാനിൽ നിന്നാണ് സോണിയ രാജ്യസഭയിലേക്ക് തിരഞ്ഞെടുക്കപ്പെട്ടത്.മത്സരിക്കാൻ പ്രിയങ്ക സന്നദ്ധത അറിയിച്ചെന്നാണ് സൂചന. ഏറെ നാളത്തെ കാത്തിരിപ്പിനു ശേഷം പ്രിയങ്കഗാന്ധി ആദ്യമായാണ് തിരഞ്ഞെടുപ്പ് രാഷ്ട്രീയത്തിലേക്ക് വരുന്നത്.
2019ലെ ലോക്‌സഭാ തിരഞ്ഞെടുപ്പിൽ അമേഠിയിൽ സ്മൃതി ഇറാനിയോട് രാഹുൽഗാന്ധി പരാജയപ്പെട്ടിരുന്നു.രാഹുൽ ഗാന്ധി വയനാട്ടിൽ തന്നെ മത്സരിക്കണമെന്നാണ് കേരളത്തിലെ പിസിസിയുടെ ആഗ്രഹം. രാഹുൽ ഗാന്ധി മത്സരിക്കുന്ന കാര്യത്തിലും സെൻട്രൽ ഇലക്ഷൻ കമ്മിറ്റി തീരുമാനമെടുക്കുമെന്നും അദ്ദേഹം മത്സരിക്കണമെന്ന് ആഗ്രഹം കേരളഘടകം നേരത്തെ അറിയിച്ചിട്ടുണ്ടെന്നും വിഡി സതീശൻ പറഞ്ഞു. അതേസമയം രാഹുൽ വയനാട് വിട്ട് കർണാടകത്തിലെ മറ്റേതെങ്കിലും സുരക്ഷിത മണ്ഡലം പിടിക്കുമെന്നും അഭ്യൂഹങ്ങളുണ്ട്.
Discussion about this post