ഇവനെ കണ്ടാൽ ആരും മറ്റാരെയും നോക്കുകയില്ല. അത്രയും സുന്ദരനാണ്. വേറെ ആരുമല്ല. ചിഹ്വാഹ്വ ഇനത്തിൽ പെട്ട നായയായ ബാവോയാണ് ഇപ്പോൾ സോഷ്യൽ മീഡിയയിൽ താരം.
സാ തി ങോക് ട്രാനി എന്ന ആളാണ് നായയുടെ ഉടമ. ഇവർ രണ്ട് പേരും യാത്ര ചെയ്യാത്ത സ്ഥലങ്ങൾ ഇല്ല. ആഡംബര ജീവിതം, ആഡംബര യാത്രകൾ എന്നിവയാണ് ബാക്കിയുള്ള നായകളിൽ നിന്ന് ബാവോയെ വ്യത്യസ്തമാക്കുന്നത് . കൂടാതെ ബാവോ ഒരു ഇൻഫ്ളുവൻസറും കൂടിയാണ്.
അതിശയകരമായ കാര്യം എന്താന്ന് വച്ചാൽ രണ്ട് ലക്ഷം രൂപ വരുന്ന വസ്ത്രങ്ങൾ പോലും നായയുടെ ഡ്രെസ് കളക്ഷനിൽ ഉണ്ടെന്നതാണ്. വില കൂടിയ കൂളിംഗ് ഗ്ലാസുകളും വെറൈറ്റി വസ്ത്രങ്ങളെ ബാവോ ധരിക്കുകയോള്ളു. ഇൻസ്റ്റഗ്രാമിൽ ബാവോയ്ക്ക് 166,000 ഫോളോവേഴ്സുണ്ട്.
കൊവിഡ് 19 രോഗം പടർന്നുപിടിക്കുന്ന സമയത്താണ് തനിക്ക് ബാവോയേ ലഭിച്ചത് എന്ന് ഉടമ സാ തി ങോക് ട്രാനി പറഞ്ഞു. ഞാൻ ബാവോയെ സ്വന്തം കുഞ്ഞിനെ പോലെയാണ് കാണുന്നത്. അവനില്ലാതെയുള്ള ജീവിതം സങ്കൽപ്പിക്കാൻ പോലും സാധിക്കില്ല . പാരിസ് മുതൽ അനേകം നഗരങ്ങൾ സന്ദർശിച്ചു കഴിഞ്ഞു. എന്നാൽ ഞങ്ങൾ സന്ദർശിച്ചതിൽ വച്ച് മെക്സിക്കോയാണ് ഞങ്ങൾക്ക് ഏറെ ഇഷ്ടമുള്ള നഗരം . ഞങ്ങൾ ഇനിയും അവിടെയ്ക്ക് യാത്ര പോവും എന്നും അവൾ വ്യക്തമാക്കി.
