സിനിമയുടെ പേരുകൾ ആവർത്തിച്ചു വരുന്ന പ്രവണത മറ്റു ഇൻഡസ്ട്രികളെ അപേക്ഷിച്ചു വളരെ കുറവാണ് മലയാളത്തിൽ. എന്നിരുന്നാലും യാദൃച്ഛികമായി ഇത്തരത്തിലുള്ള സിനിമകൾ ഇറങ്ങി യിട്ടുമുണ്ട്. മലയാളത്തിൽ റിപ്പീറ്റായി ഒരേ പേരുകളിൽ ഉള്ള സിനിമകളിലൊന്ന് മലയാള സിനിമ ചരിത്രത്തിൽ ഇടം നേടിയ ചിത്രമായ ന്യൂസ് പേപ്പർ ബോയിയാണ് 1955ൽ റിലീസ് ചെയ്ത മലയാളത്തിലെ ആദ്യം നിയോ റിയലിസ്റ്റിക് സിനിമയായ ഈ ചിത്രം സംവിധാനം ചെയ്തത് പി രാമദാസ് ആയിരുന്നു.
1997ൽ ഇറങ്ങിയ മുകേഷ് ചിത്രത്തിന്റെ പേരും ന്യൂസ്പേപ്പർബോയ് എന്നായിരുന്നു. നിസാർ സംവിധാനം ചെയ്ത ഈ സിനിമ കോമഡിയുടെ പശ്ചാത്തലത്തിലുള്ള തായിരുന്നു .
1965ൽ ഇറങ്ങിയ ചിത്രമാണ് മായാവി. . 65ൽ ജികെ രാമു സംവിധാനം ചെയ്ത മായാവിയിൽ പ്രേം നസീർ, ഷീല തുടങ്ങിയവർ ആയിരുന്നു. എന്നാൽ 2007ൽ വന്ന മമ്മൂട്ടി ചിത്രമായ മായാവിയു0 റിലീസ് ചെയ്തു. പ്രേം നസീർ-ജയഭാരതി കൂട്ടുകെട്ടിൽ വന്ന ഒരു ഹിറ്റ് സിനിമയായിരുന്നു തുറുപ്പുഗുലാൻ. 2006ൽ അതെ പേരിൽ മമ്മൂട്ടി നായകനായ തുറുപ്പുഗുലാൻ എത്തി. ഈ സിനിമ സംവിധാനം ചെയ്തത് ജോണി ആന്റണി ആയിരുന്നു. കോമഡി എന്റെർറ്റൈനറായ ചിത്രം മലയാളത്തിൽ സൂപ്പർ ഹിറ്റായിരുന്നു.
എംടി വാസുദേവൻ നായർ രചനയും എ വിൻസെന്റ് സംവിധാനവും നിർവഹിച്ച ചിത്രമായിരുന്നു അസുരവിത്ത്. 1968ൽ വന്ന ചിത്രത്തിൽ പ്രേം നസീർ, ശാരദ എന്നിവരായിരുന്നു. മുഖ്യ വേഷത്തിൽ വന്നത്. ഇതേ പേരിൽ 2012ൽ ആസിഫ് അലിയെ നായകനാക്കി എകെ സാജൻ മറ്റൊരു സിനിമ ഇറക്കി.
ഭാര്യ എന്ന പേരിൽ രണ്ടു സിനിമകൾ മലയാളത്തിൽ ഉണ്ടായിട്ടുണ്ട്. ആദ്യചിത്രം 1962ൽ കുഞ്ചാക്കോ സംവിധാനം ചെയ്തതാണ്. ചിത്രത്തിൽ സത്യൻ, രാഗിണി തുടങ്ങിയവർ അഭിനയിച്ചു. ഇതേ പേരിൽ 1994ലാണ് വിആർ ഗോപാലകൃഷ്ണൻ സംവിധാനം ചെയ്ത മറ്റൊരു സിനിമ ഇറങ്ങുന്നത്. ജഗദീഷ്, ഊർവശി തുടങ്ങിവർ ആയിരുന്നു സിനിമയിൽ അഭിനയിച്ചത്
ചതുരംഗം എന്ന് കേട്ടാൽ മോഹൻലാൽ നായകനായ ചിത്രമാണ് ഓർമ്മവരിക. 2002ൽ കെ മധു ഒരുക്കിയ ചിത്രത്തിൽ നഗ്മ ആയിരുന്നു നായിക. എന്നാൽ ഇതേ പേരിൽ 1959ൽ ഒരു ചിത്രം ഇറങ്ങിയിരുന്നു. ജെ ഡി തോട്ടൻ ഒരുക്കിയ സിനിമയിൽ പ്രേം നസീർ ആയിരുന്നു നായകൻ.
1966ൽ കുഞ്ചാക്കോയുടെ സംവിധാനത്തിൽ വന്ന ചിത്രമായിരുന്നു അനാർക്കലി. എന്നാൽ മലയാളികൾക്ക് പരിചയം പ്രിഥ്വിരാജ് നായകനായ 2015ലെ ചിത്രമായിരിക്കും. സച്ചി ഒരുക്കിയ റൊമാന്റിക് ചിത്രം മലയാളത്തിൽ വലിയ ഹിറ്റായിരുന്നു.
Discussion about this post