സിനിമാതാരങ്ങളോടുള്ള ആരാധന പരിധി കടക്കുന്നത് പുതുമയുള്ള കാഴ്ച്ചയല്ല. ഇഷ്ടതാരത്തോടുള്ള ആദരവ് പ്രകടിപ്പിക്കാനായി വിചിത്രമായ പല ആചാരങ്ങളും ആരാധകർ ചെയ്യാറുണ്ട്. ആരാധകരുടെ പ്രവൃത്തികൾ പലപ്പോഴും അതിരുവിടുന്നതു൦ വാർത്തകളിൽ ഇടംപിടിക്കാറുണ്ട്. തങ്ങൾ ആരാധിക്കുന്ന താരത്തിന്റെ ചിത്രം റിലീസ് ചെയ്യുന്ന അവസരത്തിലാണ് പലപ്പോഴു൦ ഇത് പുറംലോകമറിയുന്നത്. ഇപ്പോഴിതാ തെലുങ്കിലെ സൂപ്പർതാരം അല്ലു അർജുന്റെ ഒരുപറ്റം ആരാധകർ ചെയ്ത പ്രവൃത്തി പോലീസ് കേസ് വരെ എത്തിയിരിക്കുകയാണ്.
ബെംഗളൂരു സിറ്റി പോലീസിനെ ടാഗ് ചെയ്തുകൊണ്ടാണ് വീഡിയോ പ്രചരിക്കുന്നത്.കുറച്ചു ദിവസങ്ങള്ക്ക് മുന്പാണ് അല്ലു അര്ജുന് ഫാന്സും അല്ലു അര്ജുന് വിരുദ്ധരും തമ്മില് തെരുവു യുദ്ധമുണ്ടായത്. ഒരു കൂട്ടം പേര് ചേര്ന്ന് ഒരാളെ ആക്രമിക്കുന്നതാണ് വിഡിയോയിലുള്ളത്. ഹെല്മറ്റ് കൊണ്ട് യുവാവിനെ മര്ദിക്കുന്നതും വിഡിയോയില് കാണാം. രക്തം വാര്ന്നൊഴുകിയിട്ടും ഇവര് മര്ദനം തുടരുകയായിരുന്നു. ശരീരമാകെ ചോര ഒലിപ്പിച്ച് നില്ക്കുന്ന യുവാവിനെ ഗ്രൗണ്ടിലൂടെയടക്കം വലിച്ചിഴയ്ക്കുന്നതും ദൃശ്യങ്ങളില് കാണാം.
ഇത്തരം അക്രമങ്ങൾ നടത്തുന്നവർക്കെതിരെ പോലീസ് ശക്തമായ നടപടിയെടുക്കണമെന്നും ഇത്തരംകാര്യങ്ങൾ ഒരിക്കലും വെച്ചുപൊറുപ്പിക്കരുതെന്നുമാണ് പലരും പ്രതികരിച്ചിരിക്കുന്നത്. തെലുങ്കിലെ മറ്റൊരു സൂപ്പർതാരമായ പ്രഭാസിന്റെ ആരാധകനാണ്. മർദനമേറ്റതെന്നും പ്രഭാസിന്റെയും അല്ലു അർജുന്റെയും ആരാധകർ തമ്മിലുള്ള സംഘർഷമാണ് നടന്നതെന്നും പറഞ്ഞവരുണ്ട്. കുറച്ച് നാളുകള്ക്ക് മുന്പ് അല്ലു അര്ജുന്റെ നാ പേരു സൂര്യ എന്ന സിനിമ പുറത്തിറങ്ങിയപ്പോള് ഒരു കൂട്ടം യുവാക്കള് വിരല് മുറിച്ച് കട്ടൗട്ടില് രക്താഭിഷേക൦ നടത്തിയിരുന്നു.
അതേസമയം സുകുമാർ സംവിധാനംചെയ്ത പുഷ്പ 2: ദ റൂൾ എന്ന ചിത്രത്തിന്റെ തിരക്കുകളിലാണ് അല്ലു അർജുൻ. വിശാഖപട്ടണത്താണ് ചിത്രീകരണം. ഇപ്പോൾ പുരോഗമിക്കുന്നത്. ഫഹദ് ഫാസിൽ, രശ്മിക മന്ദാന എന്നിവരാണ് ചിത്രത്തിൽ മറ്റുവേഷങ്ങളിലെത്തുന്നത്. സുകുമാര് രചനയും സംവിധാനവും നിര്വ്വഹിക്കുന്ന ആദ്യഭാഗത്തിന്റെ ഹിന്ദി പതിപ്പ് മാത്രം 200 കോടി ക്ലബ്ബില് ഇടംപിടിച്ചിരുന്നു. ഫഹദ് ഫാസില് ആണ് ചിത്രത്തിലെ പ്രതിനായകന്. രണ്ടാം ഭാഗത്തിലും ഫഹദ് പ്രാധാന്യത്തോടെ എത്തും.
Discussion about this post