വാട്സ്ആപ്പ് സ്റ്റാറ്റസ് ആയി വീഡിയോകൾ ഇടുമ്പോൾ നേരിടുന്ന പ്രധാന പ്രശ്നമാണ് ദൈർഘ്യമുള്ള വീഡിയോകൾ ഇടാൻ കഴിയാറില്ലെന്നത്. എന്നാൽ, ഈ പ്രശ്നത്തിനാണ് ഇപ്പോൾ പരിഹാരമാകുന്നത്. അധികം വൈകാതെ തന്നെ വലിയ വീഡിയോകളും വാട്സ് ആപ്പിൽ സ്റ്റാറ്റസ് ആയി ഇടാം.
നിലവിൽ 30 സെക്കന്റ് മാത്രമുള്ള വീഡിയോകളാണ് സ്റ്റാറ്റസ് ആക്കി ഇടാൻ കഴിയുക. എന്നാൽ, ഇത് 60 സെക്കന്റ് ആയി വർദ്ധിപ്പിക്കാനാണ് സാധ്യത. ഇതോടെ കൂടുതൽ വീഡിയോകൾ സ്റ്റാറ്റസ് ആക്കി ഇടാൻ കഴിയും.
വാട്സ് ആപ്പിന്റെ ബീറ്റ പതിപ്പ് ഉപയോഗിക്കുന്നവർക്ക് ഇതിനോടകം ഈ ഫീച്ചർ ലഭ്യമായിട്ടുണ്ട്. ഇത് കൂടാതെ മറ്റൊരു ഫച്ചറും ബീറ്റ പതിപ്പിൽ ലഭ്യമായിട്ടുണ്ട്. വാട്സ് ആപ്പ് ഉപയോഗിച്ചുള്ള യുപിഐ പണം കൈമാറ്റങ്ങൾ കൂടുതൽ എളുപ്പമാക്കുന്ന ഫീച്ചറാണ് വന്നിട്ടുള്ളത്. ഇനി മുതൽ ക്യൂ ആർ കോഡ് ഉപയോഗിച്ച് പണം കൈമാറാൻ സാധിക്കുമെന്നതാണ് പുതിയ അപ്ഡേറ്റ്.
Discussion about this post