തുടർച്ചയായ അപമാനവും വ്യക്തിഹത്യയും; പാർട്ടിയിൽ നിന്നും രാജി വച്ച് കോൺഗ്രസ് വക്താവും മുൻ സമൂഹ മാദ്ധ്യമ തലവനുമായ രോഹൻ ഗുപ്ത

അഹമ്മദാബാദ്: മുതിർന്ന നേതാവിൻ്റെ നിരന്തരമായ അപമാനവും സ്വഭാവഹത്യയും ചൂണ്ടിക്കാട്ടി പാർട്ടിയുടെ എല്ലാ സ്ഥാനങ്ങളിൽ നിന്നും രാജി പ്രഖ്യാപിച്ച് കോൺഗ്രസ് ദേശീയ വക്താവും മുൻ സോഷ്യൽ മീഡിയ മേധാവിയുമായ രോഹൻ ഗുപ്ത. വരാനിരിക്കുന്ന ലോക്‌സഭാ തെരഞ്ഞെടുപ്പിൽ അഹമ്മദാബാദ് ഈസ്റ്റിൽ നിന്നുള്ള സ്ഥാനാർത്ഥിത്വം ഗുപ്ത പിൻവലിച്ച് മൂന്ന് ദിവസത്തിന് ശേഷമാണ് ഈ നീക്കം

എൻ്റെ ജീവിതത്തിലെ ഏറ്റവും പ്രയാസകരമായ തീരുമാനമാണ് ഞാൻ എൻ്റെ സ്ഥാനാർത്ഥിത്വം പിൻവലിച്ചതോടെ എടുത്തത്. കമ്മ്യൂണിക്കേഷൻ ഡിപ്പാർട്ട്‌മെൻ്റുമായി ബന്ധപ്പെട്ട നേതാവിൻ്റെ നിരന്തരമായ അപമാനവും സ്വഭാവഹത്യയും കാരണം പാർട്ടി വിടാനുള്ള ഏറ്റവും പ്രയാസകരമായ മറ്റൊരു തീരുമാനം ഞാൻ ഇപ്പോൾ എടുക്കുകയാണ്, ” കോൺഗ്രസ് പ്രസിഡൻ്റ് മല്ലികാർജുൻ ഖാർഗെയെ അഭിസംബോധന ചെയ്ത കത്തിൽ അദ്ദേഹം വ്യക്തമാക്കി.

ഒരു കോൺഗ്രസ് നേതാവിൽ നിന്നുള്ള സംഘർഷവും സമ്മർദ്ദവും ഉതാങ്ങാൻ വയ്യാത്തതിനാലാണ് താൻ രാജിവെച്ചതെന്ന് നേതാവിൻ്റെ പേര് വെളിപ്പെടുത്താതെ ഗുപ്ത പറഞ്ഞു.

“കഴിഞ്ഞ രണ്ട് വർഷമായി എന്നെ അപമാനിച്ച വ്യക്തി, കഴിഞ്ഞ മൂന്ന് ദിവസമായി അതിൽ നിന്ന് പിന്മാറാത്ത വ്യക്തി, ഭാവിയിൽ അത് ചെയ്യുന്നതിൽ നിന്ന് വിട്ടുനിൽക്കില്ലെന്നും ആരും അയാളെ തടയില്ലെന്നും എനിക്ക് ഉറപ്പുണ്ട്. എന്നാൽ ഇപ്പോൾ എൻ്റെ ആത്മാഭിമാനത്തിന് മേലുള്ള ആക്രമണം തുടരാൻ ആരെയും അനുവദിക്കാൻ ഞാൻ തയ്യാറല്ല,” അദ്ധേഹം കത്തിൽ പറഞ്ഞു