ബ്ലസി സംവിധാനം ചെയ്ത പൃഥ്വിരാജ് നായകനാകുന്ന ആടുജീവിതത്തിന് യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശന അനുമതി ലഭിച്ചില്ല. യുഎഇയിൽ ചിത്രം മാർച്ച് 28ന് തന്നെ റിലീസ് ചെയ്യുന്നതാണ്. നിരവധി ഇന്ത്യൻ ഭാഷകളിലായി പാൻ ഇന്ത്യൻ റിലീസ് ആയാണ് ആടുജീവിതം റിലീസ് ചെയ്യുന്നത്. മലയാളം ഭാഷയിലുള്ള ആടുജീവിതം ആയിരിക്കും യുഎഇയിൽ പ്രദർശിപ്പിക്കുക.
പ്രശസ്ത നോവലിസ്റ്റ് ബെന്യാമിന്റെ ആടുജീവിതം എന്ന നോവലിനെ ആസ്പദമാക്കിയാണ് ബ്ലെസ്സി ആടുജീവിതം സിനിമ ഒരുക്കിയിട്ടുള്ളത്. പ്രവാസിയായിരുന്ന കാലത്ത് ബെന്യാമിൻ പരിചയപ്പെട്ട നജീബ് എന്ന വ്യക്തിയുടെ ജീവിതത്തിൽ നടന്ന സംഭവങ്ങൾ ആണ് ആടുജീവിതത്തിന്റെ കഥ. പൃഥ്വിരാജ് നായകനാകുന്ന ചിത്രത്തിൽ അമല പോൾ ആണ് നായികയായി എത്തുന്നത്.
2008 ൽ ചിത്രീകരണം ആരംഭിച്ച ആടുജീവിതം പിന്നീട് നിരവധി കാരണങ്ങൾ കൊണ്ട് വർഷങ്ങളായി നീണ്ടു പോവുകയായിരുന്നു. ഒടുവിൽ എല്ലാ പ്രതിസന്ധികളെയും തരണം ചെയ്ത് ഇപ്പോൾ ചിത്രം തിയറ്ററുകളിലേക്ക് എത്തിയിരിക്കുകയാണ്. എ ആർ റഹ്മാനാണ് ചിത്രത്തിന്റെ സംഗീതവും പശ്ചാത്തല സംഗീതവും ഒരുക്കിയിരിക്കുന്നത്. റസൂൽ പൂക്കുട്ടിയാണ് ശബ്ദ മിശ്രണം തയ്യാറാക്കിയിട്ടുള്ളത്.
